کابل ده پاسپورت ترقه‌تیش ینگی اوچ مرکز آچیلگن. ایچکی ایشلر وزیرلیگی نینگ پاسپورت عمومی ریاستی مسئوللری، کابل ده پاسپورت ترقه‌تیش ینگی اوچ مرکز نینگ آچیلیش برنامه‌سیده ایتیشلریچه، اوشبو مرکزلر «دارالامان، قلعه‌ی زمان‌خان و تنگی تره‌خیل» منطقه‌لریده فعالیت گه باشلب و هر بیر مرکز کونده ۲ مینگ پاسپورت ترقه‌تیش امکانیتی گه ایگه دیر.
ایچکی ایشلر وزیرلیگی پاسپورت عمومی ریاستی باشلیغی عبدالکریم حسیب نینگ ایتیشیچه، مذکور مرکزلرده یشاوچیلر اوچون آسایشته‌لیکلر نظرگه آلینگن. «بوگون پاسپورت ترقه‌یش ینگی اوچ مرکز آچیلدی که بو مرکزلرده کوپینچه آسایشته‌لیکلر نظر گه آلینیب، ایرکک و عیال مراجعتچیلر نینگ کوتیب توریشی اوچون ایری ییرلر بار. مسجد بار و عیال مراجعتچیلر اوچون خذمتلر نی عیاللر ارائه قیله‌دی و هر بیر مرکز کونده ۲ مینگ جلد پاسپورت ترقه‌تیش امکانیتی گه ایگه دیر.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، اوشبو برنامه‌ده اسلام امیرلیگی باش وزیری نینگ اداری اورین باسری عبدالسلام حنفی گه کوره، یقین زمانده پاسپورت آلیش اوچون اقدام قیلگن هر بیر کیشی نینگ طی مراحل ایشی بیر هفته‌ده بیتیب و پاسپورتی نی آلیشی ممکن.
جناب حنفی نینگ کوپه‌یتیریشیچه: «کیله‌جک‌ده پاسپورت ایسته‌گن هر بیر کیشی اوچون بیر هفته‌ده پاسپورت بیریله‌دی و بو مرکزلرده افغانستان مرکزی بانکی نینگ بیر غرفه‌سی هم یشاوچیلر آسایشته‌لیگی اوچون ایجاد بوله‌دی.»
شونینگدیک اوشبو برنامه گه حضوری بولگن ایچکی ایشلر وزیرلیگی معینی محمدنبی عمری نینگ ایتیشیچه، مذکور مرکزلر فساد آلدی آلینیشی مقصد ایجاد بولگن. «اوشبو مرکزلر فساد آلدی آلینیشی اوچون ایجاد بولگن و حاضر هم بیران کیشی ۲۰۰-۳۰۰ گه پاسپورت آله‌میز دیه‌دیلر و حتا بیزلردن بیران کیشی هم بار که خط آلیب اوندن غلط قوللنه‌دیلر.»
عین حالده، کابل یشاوچیلریدن قطاری پاسپورت ترقه‌تیلیش پروسه‌سی سست‌لیگی‌دن شکایت قیلیب و ایتیشلریچه، بیش آی آلدین پاسپورت آلیش اوچون آنلاین شکلده ثبت نام قیلگنلر؛ لیکن حاضرگچه پاسپورت آلالمه‌گنلر.
کابل یشاوچیلریدن خلیل نینگ ایتیشیچه، بیش آی آلدین پاسپورت آلیش اوچون آنلاین شکلده ثبت نام قیلگن؛ بیراق حاضرگچه پاسپورت آلالمه‌گن. اونینگ کوپه‌یتیریشیچه: «بیش-آلتی آی بوله‌دی که پاسپورت اوچون ثبت نام قیلگن‌من و حاضرگچه پاسپورت آلالمه‌گن‌من.»
بیزلرنینگ فیسبوک صحیفه‌میزگه باش اورینگ!
کابل یشاوچیلریدن باشقه بیری رومان نینگ ایتیشیچه، ۱۰ آی آلدین پاسپورت آلیش اوچون آنلاین شکلده ثبت نام قیلگن؛ بیراق حاضرگچه پاسپورت آلیش گه موفق بولمه‌گن.
ایچکی ایشلر وزیرلیگی نینگ پاسپورت عمومی ریاستی آمارلری اساسیده، اوتگن بیر ییل‌ده مذکور اداره‌ده قریب ۲ میلیون پاسپورت ترقه‌تیلگن.
