آمریکا قوشمه ایالاتی نینگ افغانستان ایشلری بوییچه خاص وکیلی توما وِست افغانستان سابق جمهور رئیسی حامد کرزی بیلن سوزلشگن.
او مذکور سوزله‌شووده، کابل غربیده جایلشگن مکتب اوقووچیلری اوستیگه اویوشتیریلگن هجوم نی یاوایی‌لیک عنوان قیلیب و قیز اوقووچیلر تعلیم آلیش برابریده یره‌تیلگن چیکلاولردن خواطر بیلدیرگن.
آمریکا قوشمه ایالاتی نینگ وکیلی اوز توییتر صحیفه‌سیده یازگن دیر که یره‌تیلگن چیکیلاولر اسلامی امارت نینگ افغانستان یشاوچیلریگه بیرگن وعده‌لریگه قرشی دیر و بو خاتین- قیزلر حقوقینی نقض قیلیب و مملکت کیله‌جگی‌نی کوچ‌سیز قیله‌دی.
بیزلرنینگ فیسبوک صحیفه‌میزگه باش اورینگ!
او اسلامی امارت‌دن، افغانستان مذهبی ییتکچیلری و بویوک‌لری نین ایستک‌لریگه دقت قیلیب و قیزلر تعلیم آلیش برابریده‌گی چیکلاولر اورته‌دن کوتاریشلرینی سوره‌گن.
اوتکن ۸ آیدن بویان ۶- صنف‌دن یوقاری قیز اوقووچیلر یوزیگه مکتب‌لر ایشیگی یاپیق قالگنی کوپینچه عکس‌العمل‌لر گه سبب بولگن و خلق‌ارا تشکیلات‌لر نیچه مراتبه اسلامی امارت‌دن قیزلرنینگ مکتب‌لرینی آچیشلرینی طلب قیلگنلر.
اسلامی امارت معارف وزیرلیگی قیزلرنینگ مکتب‌لری جاری ییل نینگ حمل آییده برچه قیزلر یوزیگه آچیلیشی‌دن ایشانچ بیرگن ایدی، بیراق قیلگن تعهدینی عملگه آشیرمه‌دی، شونینگدیک اسلامی امارت تامانیدن قیزلر تعلیم آلیش اوچون یخشی مناسب محیط یوقلیگی و شرعی کییم لایحه‌سی قیزلر مکتب‌لری آچیلیشی برابریده دلیل عنوان قیلینیب دنیا جماعه‌سی نینگ ایستک‌لری عملگه آشیریلمه‌گن.
بیزلرنینگ توییترده هم تعقیب قیلینگ!
ینگی‌لیگده اسلامی امارت استخبارات ریاستی نینگ اورین باسری رحمت‌الله نجیب کابلده یولگه قوییلگن بیر ییغین‌ده اشتراک ایتیب، اهالی‌گه ایتگن دیر که سابق حکمت زمانیده تدوین بولگن تعلیمی نصاب اسلام شریعتی‌گه ماس ایمس دیر.
شونینگدک او ایتگن دیر که جمهوریت زمانیده قیز اوقووچیلر نینگ سبق اوقیشلری، تربیه و اولتیریب توریشلری اسلام گه قرشی ایدی.
