ملی مصالحه کینگشی نینگ سیاسی بولیمی اورین باسری اسدالله سعادتی نینگ آگاه‌لنتیریشیچه، تینچلیک سوزلشوولر نتیجه بیرمه‌گن صورتده، نامعلوم قرانغو کیله‌جک افغانستان‌نی کوته‌یشی ممکن. اونینگ ایتیشیچه، هییت‌دن سونگ، طالبان نینگ استانبول ییغینیده اشتراک قیلیشی بیللی ایمس.
جناب سعادتی‌گه کوره، تینچلیک و ثبات‌گه قول تاپیش اوچون سیلاو و کوچ اعمالی اونملی دیر و بو موارد بولمه‌گن صورتده، تینچلیک معنا بیرمه‌یدی.
عین‌حالده، تینچلیک و مردم‌سالارلیک اوچون برابرلیک نهادی اورین باسری فروزان رسولی نینگ دولت مذاکره قیلووچی هیاتی هرتامانلمه بولمه‌گنیدن تنقید قیلیب ایتیشیچه، رهبرلر، اهالی نینگ تینچلیک ایسته‌یشی‌گه قرشی قدرت‌نی حفظ قیلیش‌گه تمرکز قیله‌دی.
خانم رسولی نینگ ایتیشیچه، مملکت ۱۰ ولایتیده کوپ قطار عیاللر، قوم بویوکلر، مذهبی رهبرلر و یاش‌لر بیلن مصاحبه اوتکزگنلر. اولر، تینچلیککه قول تاپیش اوچون خلق ارا جماعه‌سی نینگ طالبان اوستیگه فشار کیلتیریشی‌نی ایسته‌یدیلر.
شونینگدیک، عیاللر وزیرلیگی نینگ پلان و پالیسی بولیمی اورین باسری حسنا جلیل نینگ اوشبو ییغینده ایتیشیچه، تینچلیک عیال‌لرنینگ اساسی ایستک‌لریدن دیر. اونینگ ایتیشیچه، عیاللر هیچ‌بیر زمان کیین‌گه قیتیش‌نی ایستمه‌یدی.
تینچلیک و مردم‌سالارلیک اوچون برابرلیک نهاد مسوول‌لری نینگ ایتیش‌لریچه، عیاللر، قوم بویوکلری، مذهبی رهبرلر و یاش‌لر قرانغو تاریخ‌گه قیتیش‌نی ایستمه‌یدی.