آمریکا نینگ کابلده‌گی ایلچی‌خانه‌سی نینگ اعلان قیلیشیچه، اوشبو مملکت دیپلوماتیک حضوریده دوام بیره‌دی و ایلچی‌خانه نینگ باغله‌نیشی خصوصیده هیچ‌قنده‌ی برنامه یوق. بوگون “یکشنبه” آمریکا ایلچی‌خانه‌سی نینگ توییتر صحیفهسیده یازیشیچه، آمریکا نینگ دیپلماتیک حضوری افغانستان دولتی و اهالی‌سی بیلن انجام تاپه‌دیگن ایشلر اوچون دوام تاپه‌دی.
عین‌حالده، اوشبو نهاد نینگ ایتیشیچه، افغانستان اهالیسی‌گه قرشی بولگن خطرلرنی کمه‌یتیریش اوچون برنامه ریزلیک قیلماقده. آمریکا نینگ کابلده ایلچی‌خانه‌سی نینگ تاکید قیلیشیچه، افغانستانده دوامی بولگن امنیتی قیین‌چیلیک‌لردن آگاه دیر و اوشبو قیین‌چیلیکلرنی کمه‌یتیریش اوچون سعی و حرکت قیلیش‌لری ممکن.
اوشبو ایلچی‌خانه نینگ ایتیشیچه، ایش‌لرینی مصون و افغانستان منفعتی و ایکی تامانلمه رابطه‌لر اساسی‌گه انجام بیریشیگه ایشانه‌دی و ایشلاوچی‌لری و امکانیت‌لریدن حفاظت قیلیش اوچون یخشی امنیتی برنامه‌لری بار دیر.
آمریکا نینگ کابلده‌گی ایلچی‌خانه‌سی نینگ ایتیشیچه: «جمهور رئیس بایدن و تشقی ایشلر وزیری آنتونی بلینکن نینگ ایتیشیچه، آمریکا نینگ افغانستانده‌گی حربی حضوری یکونلنه‌دی، لیکن اوشبو مملکت ایلچی‌خانه‌سی دیپلماتیک، انسان دوست‌لیک و امنیتی برنامه‌لرینی دوام بیره‌دی.»
ایتیلیشیچه، اوتگن کونی وال‌استریت ژورنال کونده‌لیگی افغانستانده امنیتی وضعیت یمان بولگنی سبب، آمریکا مقام‌لری اوشبو مملکت نینگ کابلده‌گی ایلچی‌خانه‌سینی بوشه‌تیش جریانی‌نی تیزلنتیرگنیدن خبر بیرگن ایدی.
اوشبو گزارش‌گه کوره، آمریکا رسمی‌لری اوشبو مملکت ایلچی‌خانه‌سی نینگ تیزلیککه بوشه‌تیلیشی نیاز ایمس و بوتوغریده نهایی ریجه قولگه آلینگن ایمس، لیکن اوشبو ریجهنی فوری بولگنی مطرح دیر. آمریکا رسمی‌لری نینگ ایتیش‌لریچه، مذکور برنامه‌نی عملگه آشیریش اوچون اردو تشقی ایشلر وزیرلیگی بیلن هماهنگ‌لیک قیلماقده.