اوتگن کون (جمعه ۱- حوت) آمریکا مدافعه وزیری لوید آسیتن، بیرینچی خبری ییغینیده طالبان تامانیدن زوروانلیکلر تیزلیککه کمه‌یتیریلیشی اوستیگه اورغولب ایتیشیچه، آمریکا حربی‌لری نینگ افغانستان دن چیقیشی، زوروانلیکلر کمه‌یتیریلیشی گه باغلیق دیر.
آمریکا مدافعه وزیری بو مملکت بیرلشیک‌لریگه افغانستان دن شاشیلینچ و ترتیب‌سیز شکلده چیقمه‌سلیک‌لری توغریسیده ایشانچ بیرگن. اونینگ ایتیشیچه، زوروانلیکلر میزانی کوپ یوقاری دیر و طالبان زوروانلیک‌لرینی کمه‌یتیریش‌لری کیره‌ک.
شونینگدیک بو خبری ییغینده آمریکا مدافعه وزیری نینگ اورغولشیچه، زوروانلیکلر درحال کمه‌یتیریلیشی کیره‌ک. او افغانستانلیکلرارا سوزلشوولر آلغه کیتیشی اوستیگه اورغولب و برچه تامان‌لردن تینچلیککه یوز کیلتیریش‌لرینی سوره‌گن.
عین حالده، آمریکا جمهوررئیسی نینگ ایتیشیچه، اونینگ رهبرلیگیده‌گی دولت افغانستان اوروشی نی یکونلنتیریش اوچون جاری دیپلماتیک پروسه‌دن جدی حمایت قیله‌دی.
اوتگن کون (جمعه ۱- حوت) آمریکا جمهوررئیسی جوبایدن، مونیخ امنیتی ییغینیده آنلاین شکلده بیانات بیریب ایتیشیچه، شونینگدیک افغانستان ینه بیر مرته آمریکا و اونینگ بیرلشیک‌لریگه قرشی ترورچیلیک گروه‌لرنینگ فعالیتی اوچون تینچ بیر اویه گه اوزگرمه‌سلیگی توغریسیده ایشانچ قولگه کیلتیریش‌لری کیره‌ک.
آمریکا جمهوررئیسی گه کوره، اونینگ مملکتی افغانستان تینچلیک پروسه‌سی خصوصیده بیرلشیک‌لری بیلن مصلحت قیلیش اوچون متعهد دیر.
باشقه بیر تاماندن مذکور ییغینیده آلمان باش وزیری آنگلا مرکل نینگ ایتیشیچه، کیره‌ک بولگن صورتده آلمان حربی‌لرینی افغانستان ده کوپراق سقلش گه تیار دیر.