آمریکا قوشمه ایالت‌لری تشقی ایشلر وزیرلیگی نینگ اعلام قیلیشیچه، آنتونی بلینگن اوتگن کونی (جمعه، ۲۹ دلو) مونیخ خوفسیزلیک ییغینی تیوره‌گیده قطر تشقی ایشلر وزیری و اوشبو مملکت باش وزیری نینگ اورین باسری محمد بن عبدالرحمان آل‌ثانی بیلن اوچره‌شگن.
آمریکا تشقی ایشلر وزیرلیگی نینگ اعلامی اساسیده، ایکی تامان افغانستان وضعیتی، اوکراین ده‌گی کیسکین‌لیکلر و شونینگدیک ایران و آمریکا آره سیده هسته‌یی مذاکره‌لر حقیده بحث ایتگن‌لر. اوشبو اوچره شووده آمریکا تشقی ایشلر وزیری افغانستان خلقی گه یاردم بیریش اوچون آمریکا نینگ سعی-حرکت لری گه حصه قوشیش اوچون قطر نینگ «سخی‌لیک و دایمی علاقه‌سی»دن منتدارلیک بیلدیرگن.
بیزلرنینگ فیسبوک صحیفه‌میزگه باش اورینگ!
عین‌حالده، امریکا قوشمه ایالت‌لر تشقی ایشلر وزیرلیگی نینگ سوزلاوچیسی ند پرایس توییتر صحیفه‌سیده یازیشیچه، مذکور اوچرشووده اوکراین بحرانی و افغانستانده قطر نینگ دیپلماتیک یاردملری حقیده بحث ایتیلگن.
شونده‌ی بیرحالده، انتونی بلینکن نینگ توییترصحیفه‌سیده یازیشیچه، قطرلیک هم کسبی بیلن اونملی اوچره‌شوو بولیب اوتگن. و روسیه ایجاد قیلگن بحران نی کمه‌یتیریش توغریسیده صحبت قیلگن دیر.
بلینگن نینگ کوپه‌یتیریشیچه، قطر نینگ افغانستانده قیلگن یاردملریدن منتدارچیلیک بیلدیرگن دیر.
اوچره‌شوو دن آلدین قطرتشقی ایشلر وزیری افغانستان حقیده صحبت قیلیش تکیفی‌نی مطرح قیلگن ایدی.
شونینگدیک امریکا تشقی ایشلر وزیری قطرنی امریکا نینگ ارزشلی متحدلری‌دن عنوان قیلیب و بو مملکت نینگ افغانستانده قیلگن فعالیت‌لریدن یخشی‌لیککه یاد ایتیب، اوندن منتدارچیلیک بیلدیرگن دیر.
بیزلرنینگ توییترده هم تعقیب قیلینگ!
عین‌حالده، اسلامی امارت افغانستانده حاکم بولگن‌دن کیین، قطر غربی مملکت‌لر جمله‌دن امریکا قوشمه ایالت‌لری بیلن افغانستانده تخلیه پروازلر و بشری یاردملرنی انتقال بیریش اوچون کوپینچه همکارلیک قیلگن دیر. امریکا قطر نینگ افغانستانده امریکا منفعت‌لری نینگ حفیظ قیلوچیسی عنوان قیلگن دیر.