سرپل ولایتی کینگش اعضالریدن قطاری نینگ ایتیش‌لریچه، مذکور ولایت صیاد، بلخاب، سانچارک و گوسفندی تومن‌لری نینگ یوللری باغله‌نیشی بیلن، وضعیت یمان بولگن و طالبان شهر اطرافیده امینی کوچلر بیلن آتیشماقده. اولرگه کوره، دولت تیزلیککه کینگ تازه‌لش عملیات یولگه قویمه‌گن صورتده، انسانی فاجعه یوزبیریشی ممکن.
سرپل ولایتی کینگش اعضاسی اسدالله خرم نینگ سلام‌وطندارگه ایتیشیچه، امنیتی وضعیت کوپ یمان بولگن، یالغیز اوتگن بیر هفته‌ده امنیتی کوچلردن ۲۰ ته‌سی هلاک و ۳۰ دن آرتیغی ایسه تن جراحتی کوتارگن. سرپل ولایتی کینگشی نینگ اوشبو اعضاسیگه کوره، امنیتی تهدیدلر میزانی یوقاری کیتگنی گه علاوه، بو ولایت نینگ نیچه تومنی نی یولی طالبان گروهی آرقه‌لی باغلنگن. جناب خرم نینگ کوپه‌یتیریشیچه، بلخاب، سانچارک و گوسفندی تومن‌لری نینگ یوللری ایکی ییل دن بویان باغلیق و طالبان نینگ نظارتی گه دیر.
عین حالده، سرپل یشاوچی‌لریدن قطاری حاضرگی وضعیت و بو ولایت نینگ ایریم بولیمی ده طالبان نینگ کینگ حضوری دن خواطر بیلدیریب ایتیش‌لریچه، دولت تیزلیککه اقدام قیلمه‌گن صورتده، بو ولایت طالبان قولیگه سقوط قیلیشی ممکن. اولرگه کوره، طالبان نیچه تومن نینگ قتناویوللریده چک پاینت ایجاد قیلگن و بو یوللردن اوته‌دیگن یولاوچی‌لرنینگ تلفن‌لرینی چک قیلیب و تلفن بولمه‌گن کیشیلرنینگ کلتکله‌یدی.
بو توغریده سرپل امنیتی و محلی مسئوللری نینگ فکرینی اورگه‌نیش ایسته‌دیک؛ بیراق موفق بولمه‌دیک. باشقه بیر تاماندن سرپل مدنی فعاللری هم بو وضعیت حقیده خواطر بیلدیریب اورغولش‌لریچه، بو ولایتده طالبان نی نابود قیلیش اوچون عملیات یولگه قوییلمه‌گن صورتده، طالبان تومن‌لرنی سقوط بیریش گه علاوه شهر نی هم نظارت گه آلیش‌لری ممکن.
بیراق طالبان بولرنی رد قیلگن. طالبان سوزلاوچی‌لریدن بیری ذبیح‌الله مجاهد نینگ سلام‌وطندارگه ایتیشیچه، اولرنینگ آدم‌لری استخباراتی گزارشلر اساسیده، بیرار پیت امنیتی کوچلرگه تیگیشلی کیشیلرنی تعقیب قیله‌دی. طالبان نینگ اوشبو سوزلاوچیسی اهالی اولرنینگ آدم‌لری آرقه‌لی قیناققه سالیشی نی رد قیلیب ایتیشیچه، طالبان تینچ‌اهالی گه هیچ قنده‌ی ایشی یوق.
