جوزجان ولایتی بوییچه معارف ریاستی مسوول‌لری نینگ ایتیش‌لریچه، طالبان گروهی اوشبو ولایت نینگ تومن‌لریده چیکلاو یره‌تیش بیلن طلبه قیزلرنینگ تعلیم کوریش‌لریگه توسیق بولگن.
جوزجان ولایتی بوییچه معارف ریاستی باشلیغی عبدالرحیم سالاری نینگ ایتیشیچه، طالبان گروهی چیکلاو یره‌تیش بیلن بیرقطار تومن‌لرده قیزلرنینگ تعلیم کوریش‌لریگه مانع بولگن و بو جریان نینگ دوامی طلبه قیزلرنینگ سانی کمه‌یشی‌گه سبب بوله‌دی.
جناب سالاری نینگ کوپه‌یتیریشیچه، طالبان نینگ فعالیتی بولگن تومن‌لرده اوقووچی قیزلرگه تعلیم کوریش‌لری اوچون رخصت بیریلمه‌یدی و بیرقطار تومن‌لرده قیزلرگه ۶- صنف گچه تعلیم کوره آلهدیلر.
جوزجان ولایتی بوییچه معارف ریاستی باشلیغی، بو وضعیت نینگ دوام قیلیشینی خواطرلنترووچی عنوان قیلگن.
عین‌حالده، جوزجان یشاوچی‌لریدن بیرقطاری نینگ ایتیش‌لریچه، طالبان گروهی بیرقطار تومن‌لرده قیزلرنینگ تعلیم کوریش‌لریگه توسیق بولگن.
اوشبو ولایت یشاوچی‌لریدن بولمیش نجیبالله و ظاهر نینگ ایتیشیچه، بو وضعیت نینگ دوامی اهالی تامانیدن قبول‌لنمه‌یدی.
طالبان گروهی حاضرگه‌قدر بوتوغریده فکر بیلدیرمه‌گن.
ایتیلیشیچه، طالبان جنگریلری جوزجان ولایتی نینگ درزاب تومنیده فعالیت قیله‌دیگن دینی مدرسه‌لردن ۴ ته‌سیگه فعالیت قیلیش اوچون رخصت بیرمه‌گن.
