تخار امنیتی مسوول‌لری نینگ ایتیش‌لریچه، اوشبو ولایت پولیس قومندانلیگی نینگ خوفسیزلیک آمری رازمحمد دوراندیش طالبان هجومی سبب، هلاک ایتیلگن.
تخار حاکمی سوزلاوچیسی جواد هجری نینگ سلاموطندارگه ایتیشیچه، بو واقعه اوتگن کیچه تخار مرکزی تالقان شهری نینگ «آق مسجد» منطقه‌سیده یوز بیرگن.
او، امنیتی کوچلرنینگ تلفاتی خصوصیده معلومات بیرمه‌گن.
بیراق، مردمی منبع‌لرنینگ سلاموطندارگه ایتیش‌لریچه، امنیتی کوچلر و طالبان جنگری‌لری آره‌سیده یوز بیرگن آتیشمه نتیجه‌سیده، امنیتی کوچلردن ۴۰ ته‌سی هلاک ایتیلگن.
طالبان گروهی حاضرگه‌قدر بوتوغریده فکر بیلدیرمه‌گن.
تخار مملکت شمال-شرقی ده جایلشگن ناتینچ ولایت‌لردن بیری دیر و طالبان جنگری‌لری اوشبو ولایت نینگ کوپ قطار منطقه‌لریده فعالیت قیله‌دی.