افغانستان اسلامی امارت اعلامیه آرقه‌لی، آمریکا قوشمه ایالت‌لری جمهور باشلیغی جوبایدن نینگ افغانستان مرکزی بانکی سرمایهلریدن بیر قسمینی مصادره قیلیشی گه عاید فرمانی گه مناسبت بیلدیریب و اونی تحریک قیلووچی دیب و بو توغریده واشنگتن گه هشدار بیرگن.
اوتگن کیچه (دوشنبه، ۲۵دلو) اسلامی امارت نینگ سوزلاوچیسی و معلومات و مدنیت وزیرلیگی نینگ نشراتی ایشلری بوییچه معینی ذبیح الله مجاهد تامانیدن ترقه‌لگن اسلامی امارت نینگ اعلامیه سیده کیلیشیچه، آمریکا قراری نی قیته تیکلمه‌ی و تحریک قیلووچی ایشلری گه دوام بیرگن تقدیرده، اسلامی امارت مذکور مملکت باره سیده اوز سیاستینی اوزگرتیریشی ممکن.
بیزلرنینگ فیسبوک صحیفه‌میزگه باش اورینگ!
عین‌حالده، آمریکا جمهور رئیسی جمعه کونی افغانستان مرکزی بانکی نینگ اوشبو مملکت ده‌گی ۷میلیارد دالری اسلامی امارت قدرت گه ایریشیشی‌دن کیین توسیلدی، ۳.۵ میلیاردی‌نی تاوان اوله‌راق ۱۱سپتامبر هجومی قربانی‌لری نینگ عایله‌لری اوچون اجره‌تدی. شونینگدیک بایدن نینگ اوشبو فرمانی اساسیده مرکزی بانک نینگ یریم سرمایه‌سی افغانستان خلقی گه یاردم عنوانیده امانی صندوقی گه انتقال بیریله‌دی.
اسلامی امارت نینگ اعلامیه سیده کیلیشیچه، بایدن دولتی دستلب افغانستان سرمایه‌سینی خلق‌ارا قاعده‌لر گه قرشی موزله‌تدی و حاضر اوز باشیمچه‌لیگی بیلن مصادره قیلماقده. اسلامی امارت افغانستان دارایی‌لری مصادره ایتیلیشینی افغانستان خلقی نینگ حقوقی گه «آچیق باسقین» عنوان قیلگن.
اسلامی امارت اعلامیه‌سیده تاکیدلنیشیچه، ۱۱سپتامبر هجوملری افغانستان خلقی گه هیچ قنده‌ی مناسبتی یوق و «افغانستان خلقی نینگ سرمایه‌سینی مصادره قیلیش آچیق باسقینچیلیک و ظلم دیر.»
شونینگدیک اسلامی امارت، بایدن نینگ سونگی قرارینی اسلامی امارت بیلن امضالنگن بیتیم گه آشکارا قرشی عنوان قیلگن. اعلامیه‌ده کیلیشیچه: «آمریکا دنیا ملامت لیک‌لریدن اوزینی قوتقریش و افغان‌لر بیلن مناسبتینی بوزمسلیک اوچون، بو قراری‌دن قیتیب و افغان‌لر نینگ دارایی‌لرینی قید سیز شکلده آزاد قیلیب و ایکی تامان آره سیده ایشانچ سیزلیک پیدا بولیشی گه باعث بوله‌دیگن بو کبی تحریک قیلووچی ایش‌نی قیلمسلیگی کیره‌ک.»
بیزلرنینگ توییترده هم تعقیب قیلینگ!
آمریکا جمهور باشلیغی نینگ بو قراری ملی و خلق‌ارا مناسبت‌لر گه روپه‌رو بولگن. مملکت سابق جمهور باشلیغی حامد کرزی، جوبایدن اوشبو قراری‌دن تنقید قیلیب ایتیشیچه، آمریکا بو قرارینی قیته تیکله‌شی لازم. او نینگ تاکیدلشیچه، افغانستان نینگ موزله‌تیلگن سرمایه‌لری اسلامی امارت حکومتی‌دن ایمس بلکه؛ افغانستان فقرالری گه تیگیشلی دیر.
چین تشقی ایشلر وزیرلیگی هم جوبایدن نینگ افغانستان مرکزی بانکی سرمایهلریدن بیر قسمی ۱۱سپتامبر قربانی‌لری نینگ عایله‌لری گه تاوان اوله‌راق توللنیش قراری گه مناسبت بیلدیریب ایتیشیچه، دنیا نینگ اینگ بای-به‌دولت مملکتی، اینگ نادار مملکت سرمایه‌سینی اوغیرله‌یدی.»
عین‌حالده، پاکستان تشقی ایشلر وزیرلیگی هم اعلامیه ترقه‌تیب بایدن نینگ اوشبو قراری‌دن تنقید قیلیب ایتیشیچه، بو پول افغانستان فقرالری گه تیگشلی دیر و اولر پول‌نی قنده‌ی مصرف قیلیشی باره سیده قرار آلیش لری کیره‌ک. مذکور وزیرلیک آمریکا‌دن افغانستان فقرالری نینگ بشری و اقتصادی احتیاج‌لری حلی مقصدیده، برچه پول‌لرنی آزاد ایتیشینی طلب قیلگن.
