بغلان ولایتی نینگ فرنگ تومنی یشاوچی‌لریدن بیری نینگ ایتیشیچه، قوراللی کیشی‌لر تامانیدن اوغیرلنگنیدن سونگ، جنسی زوروانلیک آستیگه قرار بیریلگن. مذکور یاش ییگیت، کوپینچه قیین‌چیلیک بیلن اوزینی قوتقرگن و حاضرده پلخمری شهریده عدالت ایسته‌یدی.
بشیر (مستعار اسم) نینگ ایتیشیچه، اوشبو موضوعنی نیچه مرته بغلان امنیتی نهادلری بیلن شریک قیلگن، لیکن پولیس حاضرگه‌قدر بوتوغریده هیچ ایش قیلمه‌گن. بشیر نینگ ایتیشیچه، قوراللی کیشی‌لر اونینگ ۴۰ مینگ افغانی و موبایلی‌نی آلگن.
بشیر نینگ کوپه‌یتیریشیچه، بو واقعه‌دن سونگ، قوراللی کیشی‌لر نیچه مرته اوی‌لری اوستیگه هجوم قیلگن و امنیتی نهادلر، اولرنینگ هجومی‌گه مانع بولمه‌گن.
عین‌حالده، بغلان پولیس قومندانلیگی سوزلاوچیسی احمدجاوید بشارت نینگ ایتیشیچه، بوتوغریده بیر کیشی قولگه آلینگن و تیکشیریش‌لرنی دوامی بار.
بغلان ولایتی نینگ فرنگ تومنیده ناقانونی قوراللی کیشی‌لرنینگ فعالیت‌لری کوپ دیر و بغلان امنیتی مسوول‌لری اوشبو تومن نی ناقانونی قوراللی کیشی‌لر وجودیدن تازه‌لش‌گه موفق بولمه‌گن.
