دایکندی ولایتی بوییچه عیال‌لر ریاستی مسووللری نینگ ایتیش‌لریچه، اوشبو ولایت نینگ مرکزیده بیر عیال‌نی جنسی زورلگن اوغری‌لر قولگه آلینگن.
دایکندی ولایتی بوییچه عیال‌لر ریاستی باشلیغی بینظیر جعفری نینگ سلام‌وطندارگه ایتیشیچه، کمیده بیر هفته آلدین اوغیرلاوچی‌لر یولاوچی‌لرنینگ پول‌لرینی اوغیرلب و اوندن سونگ، ۲۰ یاشر بیر عیال‌نی جنسی زورلگنلر.
اونینگ ایتیشیچه، اوشبو واقعه عامل‌لری پولیس کوچلری تامانیدن قولگه آلینگن و دوسیه‌لری عدلی و قضایی اداره‌لرگه یوباریلگن.
دایکندی ولایتی بوییچه عیال‌لر ریاستی باشلیغی، بو واقعه‌نی خواطرلی عنوان قیلیب، عدلی و قضایی نهادلردن واقعه عامل‌لری بیلن مدارا قیلمه‌یش‌لرینی سوره‌گن.
دایکندی پولیس قومندانلیگی نینگ جنایت‌لرگه قرشی کوره‌ش مدیری نینگ فیسبوک صحیفه‌سیده یازیشیچه: «۲۹ میزان ده مسافر تاشیووچی بیر موتر ده بولگن یولاوچی‌لرنینگ پول‌لرینی آلیب و بیر عیال‌نی جنسی زورلگن ۶ کیشی‌لیک بیر گروه پولیس تامانیدن قولگه آلینگن و اولرنینگ دوسیه‌لری باش قاره‌لاوچیلیککه یوباریلگن.»
دایکندی ولایتی بوییچه عیال‌لر ریاستی تامانیدن بیریلگن رقم‌لرگه کوره، جاری ییل نینگ بیرینچی ۷ آی ده عیال‌لرگه قرشی ۱۴۵ زوروانلیک واقعه قید ایتیلگن.