اۉزبېکستان یېتکرمهلرینینگ معلوماتی اساسیده، بو مملکتده افغانستانلیکلر سانی کېسکین آشگن.
معلوماتلر گه کوره، میلادی ۲۰۲۵-ییل، جون و جولای آیلری دوامیده اۉزبېکستانده تورلی مملکتلردن بارگن سیاحلر سانی کېسکین آشگن. معلوماتلر اساسیده، شو ییلنینگ بیرینچی یریم ییلیدهگی تجارت مقصدیده بو مملکت گه تشریف بویرگن خارجیلر سانی ۲۲۳.۶ مینگ نفرنی تشکیل ایتگن.
بیزلرنینگ فیسبوک صحیفهمیزگه باش اورینگ!
بو کورستکیچ میلادی ۲۰۲۴-ییلنینگ شو دوریگه نسبتن ۱۵۸.۶ مینگ نفر گه کوپ بولیب، ۳.۴ برابر گه آشگنینی انگلتهدی.
افغانستاندن ۲۰۷ مینگ ۵۳۶ کیشی، تاجیکستاندن ۱۲ مینگ ۲۴۴ کیشی، تورکمنستاندن بیرمینگ ۶۴۲ کیشی، روسیهدن ۴۵۱ کیشی، تورکیهدن ۲۷۶ کیشی، قزاقستاندن ۲۵۵ کیشی، اۉزبېکستان گه تشریف بویرگن خارجیلیکلرنینگ مطلق کوپچیلیگینی تشکیل ایتهدی.
بارگنلرنینگ اکثریتی اۉزبېکستان گه تجارت، خذمت سفری و ایش یوزهسیدن تشریف بویرگنی تأکیدلنگن. افغانستان بیلن چېگره حدودلردهگی اقتصادی علاقهلرنینگ کوچهیشی و سودا-اقتصادی مناسبتلرنینگ فعاللشیشی اوشبو اوسیش گه تورتکی بولگنی احتمالدن اوزاق اېمس.
بیزلرنینگ «ایکس» ترماغی ده هم تعقیب قیلینگ!
شونینگدیک، یقین قۉشنیلر، تاجیکستان و تورکمنستاندن بارووچیلر سانی هم سیزیلرلی درجهده ایکنی کوزهتیلگن. روسیه، تورکیه و قزاقستاندن بارگن اهالی سانی نسبتن کمراق بولسهده، اولرنینگ اۉزبېکستان دهگی تجارت لایحهلردهگی اشتراکی مهم اهمیت کسب ایتهدی.
