دایکندی ده باغدارلردن قطاری حاصللی ییلنی کوتهیاتگن بیرحالده، حمل آییده قار و یاغمیر یاغیشی، میوه درختلرینینگ شکوفهلرینی محصولگه اَیلهنیشدن آلدین اورتهدن کیتگزیب و اولرنینگ امیدینی جدی خواطر گه اوزگرتیرگن.
گللش باسقیچی، میوه حاصل بولیشینینگ اینگ مهم دورهسی حسابلنهدی؛ بو دورهده هر قندهی کوچلی یاغینگرچیلیک یا-ده حرارتنینگ اوزگریشی، شکوفهلرنینگ توکیلیشیگه سبب بولیشی ممکن.
مذکور ولایتدهگی باغدارلردن قطاری گه کوره، درختلرنینگ گللشی بیلن بیرگه حمل آییدهگی یاغینگرچیلیکلر، شکوفهلرنی اورتهدن کیتگزیب و جاری ییلده میوهلر حاصلینینگ سیزیلرلی درجهده کمهیشی پیشبینلیک بولماقده. اولرنینگ اورغولشیچه، یاغینگرچیلیک توپراق نملیگینی آشیریش و ریشهلرنی مستحکملشده ایجابی رول اوینهشی بیرحالده، آگاهیلیک و فایدهلی مدیریت یوقلیگی سبب، ضررلرنینگ آلدینی آلالمهیدیلر.
دایکندی مرکزی نیلی شهریدهگی باغدارلردن بستانعلی اختیارینینگ ایتیشیچه، بیردن ساووق بولیش طفیلی، درختلرینینگ شکوفهلری بوتونلی زیان کوریب و میوه گه اَیلهنیش اوچون هیچ بیر گل قالمهگن. «باغلریم بو ییل جوده یخشی گللهگن ایدی، بیراق ساووق برچهسینی اوردندن کیتگزدی. اوتگن ییلی بادام اورتهدن کیتگن ایدی، بیراق زردآلو، اوزوم و آلمه یخشی ایدی. بو ییل یاغینگرچیلیکلر اوچون هیچ بیر گل قالمهدی. بو ییل حاصل بیتدی درختلرده گل بولمهگنیده، هیچ میوه هم بیرمهیدی.»
دایکندی دهگی دهقانلردن باشقه بیری محمدنبی محمدینینگ ایتیشیچه، کوچلی یاغینگرچیلیکلر سبب، درختلر شکوفهلری اورتهدن کیتیشیگه علاوه، ایکینچیلیک ییرلر هم ساووق اوریشگه روپهره بولگن. اونینگ کوپهیتیریشیچه، دهقانلردن کوپینچهسی سنتی اصوللرده ایکین ایکیب و اقلیم اوزگریشلری طفیلی زیانلر آلدی آلینیشی توغریسیده ییترلیچه آگاهیلیککه ایگه ایمسلر. «سونگی یاغیشلر برچه نرسه گه تاثیر قویگن. بوغدایلرنی بوزگن و سوو تاشقینلر اهالینینگ ییرلریدن برچهسینی سوو آستیگه قویگن. باشده جله اوردی کیین قار یاغدی؛ کیچه قار قالیب و ییرلرنی ساووق اوردی. اصلا مدیریت قیله آلمهدیک. دارو اوردیک، بیراق نتیجه بیرمهدی. هر قچان یامغیر یاغگنیده افسوس قیلیب اولتیرهمیز، چونکه زیان آلدینی آلالمهیمیز.»
مذکور ولایتدهگی باغدارلردن داوود علیاکبر، سونگی یاغینگرچیلیکلردن خواطر بیلدیریب و ایتیشیچه: «درختلر تازه گللهگن ایدی که یامغیر یاغدی و کیین ساووق بولدی. هیچ نرسه قالمهدی، یالغیز بیراز بادام قالگن. اوتگن ییل هم شو رقم بیر وضعیت ایدی. ییلده قریب ۱۵۰ سیر بادام قولگه کیلتیرهر ایدیک، بیراق اوتگن ییل ۲۰ سیر محصول آلیندی. بو ییل هم محصولدن یریمی بوزیلدی و حتا بیر درخت هم ساغلام قالمهدی.»
شوندهی بیرحالده، باغدارلیک بوییچه بیلرمان عبدالله آگاهنینگ ایتیشیچه، گللش باسقیچیده کوچلی یاغینگرچیلیکلر شکوفهلرنی توکیب و نتیجهده، سیزیلرلی درجهده حاصلات اینیقسه بادام و آلمه کمهیشیگه سبب بولهدی. او، بو وضعیت ضرری کمهیشی ییچیم یوللری حقیده کوپهیتیریشیچه: «زیان کمهیشی اوچون کیچ گللنهدیگن و کوچلی درختلرنی تنلش، یاغینگرچیلیکلردن آلدین محافظتی داروللردن فایدهلنیش و یامغیردن کیین مناسب کودلر بیلن توپراقنی کوچلنتیریش توصیه بولهدی. دایکندی ده اقلیم اوزگریشلری باغدارلیککه جدی سلبی تاثیرلرنی قوییب و باغدارلردن کوپینچهسی ییترلی تیارگرلیککه ایگه ایمسلر.»
باغدارلرنینگ خواطری کوپهیشی بیلن بیرگه، ایکینچیلیک، سووغاریش و چاروهچیلیک وزیرلیگی سوزلاوچیسی همده عامه آگاهیلیک و اطلاعات باشلیغی شیرمحمد حاتمیگه کوره، جاری ییلده داملی یاغینگرچیلیکلر، کیلهسی ییلده ایکینچیلیک اوچون یخشی امکانیتنی یرهته آلهدی. «قار و یامغیر سوونینگ طبیعی ذخیرهلری کوپهیشی، ییر آستی سوولر منبعلری کوچلنیشی و کیلهسی ییلده دهقانلر اوچون یخشی زمینه یرهتیلیشیگه سبب بولهدی. امید قیلهمیز که، جاری ییلگی یاغینگرچیلیکلر دهقانلرنینگ ایکین احتیاجلرینی قاندیره آلیب و اولر کوپراق حاصل آلالسهلر.»
سونگی یاغینگرچیلیکلر نتیجهسیده سوو منبعلرینینگ یخشیلنیشی گه امید کوپهیشی بیرحالده، میوه درختلریگه کوپینچه زیان ییتیشیشی، دایکندی دهگی باغدارلیک محصوللرینینگ کیلهجگینی جدی ناانیقلیک بیلن روپهره قیلگن.
