مالیه وزیرلیگی نینگ رسمی‌لری ایتیشیچه، سوداگرلر ایشلری نی قولایلشتیریش و ایکی مملکت گه مالیه تولنیشی نینگ آلدی آلینیشی مقصدی‌گه، پاکستان تامان بیر هیئت یوباریلگن.
اقتصاد ایش‌بیلرمان‌لری بونی یخشی بیر حرکت دییدی‌لر.
مالیه وزیرلیگی سوزلاوچیسی احمد ولی حقمل نینگ سلام‌وطندار گه ایتیشیچه، افغانستان و پاکستان فعال سوداگرلری اولردن ایکی مملکت ده مالیه آلینیشی بیلن قیین‌چیلیککه روپه‌ره بولیشگن‌لر.
حقمل نینگ ایتیشیچه، ایکی مملکت سوداگرلری بیر مملکت گه مالیه بیرسین‌لر و ایکی مرته دن مالیه تولش گه توسیق بولیش کیره‌ک. مالیه وزیرلیگی سوزلاوچیسی نینگ ایتیشیچه، سوداگرلر نینگ فعالیت‌لری نی قولایلشتیریش و ایکی مرته دن مالیه تولنیشی گه توسیق بولیش اوچون پاکستان گه بیر هیات یوباریلگن.
بیزلرنینگ فیسبوک صحیفه‌میزگه باش اورینگ!
صنعت و معادن اوتاق رییسی شیرباز کمین زاده نینگ ایتیشیچه، پاکستان دولتی ایکی برابر مالیه تولش اوچون قطار مملکت‌لر بیلن قراردادلری بار که، اگر پاکستانی سوداگرلری افغانستان ده کوپ بولسه‌لر ایکی برابر مالیه تولش گه توسیق بولیش بو افغانستان فایده‌سی گه بوله‌دی و اگر افغانستان سوداگرلری پاکستان ده کوپ قالسه‌لر افغانستان یشاوچیلری نینگ ضرری گه بوله دی.
شونینگدیک اقتصاد ایش بیلرمان‌لریدن سیف‌الدین سیحون، بو ایش نی ایکی مملکت منفعتی گه دیب، کییم محصولاتی بیر مرته بیریله‌دی، که بونینگ فایده‌سی یلغوز سوداگرلر گه ایمس کییم‌لردن قوللنگن کیشی‌لر گه هم یتیشه‌دی.
ایتیلیش کیره‌ک که پاکستان و باشقه بیر قطار مملکت‌لر بیلن ایکی مرته مالیه تولش اوتمیش ییلرده هم موجود ایدی و گرچند سابق حکومت هم نیچه ییل آلدین ایکی مرته مالیات بیریلیشی‌گه توسیق بولیش خصوصیده پاکستان بیلن صحبت قیلگن ایدی، بیراق هیچ بیر نتیجه بیرمه‌گن.
