سیاسی مسله‌لر بیلرمانی و حاضرگی حکومت نینگ تنقیدچیلریدن سیدباقر محسنی، اسلامی امارت نینگ استخبارات بندی‌دن قوییب یوباریلدی. او رسانه‌لر بیلن اوتکزگن صحبتیده ایتیشیچه، بوگون شام‌چاغی قوییب یوباریلگن و حاضر ایسه کابل شهریده اوییده دیر.
جناب محسنی قولگه آلینگنی خصوصیده هیچ بیر معلومات بیرمه‌ی، بیراق ایتگن که «سطحی موضوع‌لر ایدی که بیان قیلیش بیلن ایکی تامان آره‌سیده حل بولدی.» او جمعه کونی شام‌چاغی ۱۳_حوت کابل نینگ شهرنو منطقه‌سیده قولگه آلینگن ایدی. اونینگ قولگه آلینگنی کوپینچه عکس‌العمللر بیلن روپه‌رو بولیب و اجتماعی ترماق ایشلاوچیلر ایسه اونینگ آزاد بولیشی نی سوره‌گن ایدیلر.
بیزلرنینگ توییترده هم تعقیب قیلینگ!
سونگی مرته محسنی اسلامی امارت حکومت‌دارلیگی حقیده رسانه‌لرده حکومت گه قرشی یمان تنقید‌لر بیان قیلگن ایدی. اسلامی امارت رسمی‌لری حاضرگچه سیدباقر محسنی نینگ قولگه آلینگنی و قوییب یوباریلگنی خصوصیده هیچ بیر نرسه دیمه‌گن.
شونینگدیک کابل بیلیم یورت اوقیتووچیسی فیض‌الله جلال نیچه پیت آلدین اسلامی امارت تامانیدن قولگه آلینگن ایدی. اوشه زمان‌ده اسلامی امارت سوزلاوچیسی ذبیح‌الله مجاهد ایتگن ایدی که، جناب جلال اجتماعی ترماق‌لرده بیهوده بیاناتلری اوچون قول گه آلینگن.
