غور ولایتی قاره‌لاوچیلیک استیناف ریاست مسئول‌لری نینگ ایتیشلریچه، بوگون اولر «شرعی حدود» نی مشروع سیز مناسبتده بولیش عیبی بیلن قولگه آلینگن بیر اوغیل و بیر قیز گه جاری قیلیب و ایکیله‌سینی شلاق له‌گن. اوشبو ییگیت و قیز، غور مرکزی فیروز کوه شهری حدودلری‌ده شلاق لنگن‌لر.
غور ولایتی قاره‌لاوچیلیک استیناف اداره باشلیغی صمیم مهاجر، اوشبو موضوع نی فیسبوکی‌ده تصدیقلب یازیشیچه، رسمیت گه تانیلیش‌لری مهم ایمس و اولر شرعی حدودنی جاری قیله‌دیلر.
بیزلرنینگ فیسبوک صحیفه‌میزگه باش اورینگ!
غور قاره لاوچیلیک استیناف باشلیغی نینگ یازیشیچه: «اسلامی امارت نی رسمیت گه تانیش‌لری مهم ایمس، الله نی تانیش مهم دیر که بیزنی بنده‌لیگیمیزنی قبول قیلسین، الهی و شرعی تیزیمدن اطاعت قیله‌میز انشاء‌الله. بوگون غور ولایتیده بیر ایرکک و بیر عیال گه الهی حدود جاری ایتیلدی.»
جناب مهاجر سلام وطندار بیلن اوتکزگن صحبتیده ایتیشیچه، اسلامی امارت کوچلری اوشبو اوغیل و قیزنی نیچه کون آلدین غور ولایتی کسلخانه‌سی ایچیدن حبس گه آلگندیلر. او نینگ اورغولشیچه: «مذکور ییگیت و قیز نیچه کون بیر موتر ایچیده ایکن‌لر، مجاهدلر اولرنی شفاخانه ایچیدن قولگه آلدیلر، مشروع سیز مناسبتده ایکن‌لیک لریدن باشقه ثبوت تاپه آلمه‌یدیک، یعنی محرم سیز ایدیلر تعزیر بولدیلر.»
بیزلرنینگ توییترده هم تعقیب قیلینگ!
غور قاره‌لاوچیلیک استیناف باشلیغی گه کوره، قیز و اوغیل باله نینگ هر بیری گه ۳۹ قمچی اوریلگن. او نینگ ایتیشیچه، اخلاق سیزلیککه عیبلنگن قطار کیشی‌لر نینگ حجت‌لری آلدیمیزگه موجود، تیکشیریش لردن کیین اولر گه هم شرعی حدود جاری ایتیله‌دی. او نینگ کوپه‌یتیریشیچه، شرعی حدودنی اخلاق سیزلیک قیله‌دیگن‌لر اوستیگه جاری ایته‌دیلر.
بو عین‌حالده، اوتگن کونی اسلامی امارت مسئول‌لری، ارزگان ولایتی نینگ مرکزی ترینکوت شهری‌ده بیر ایرکک‌نی زنا عیبی بیلن شلاق له‌دیلر.
