افغانستان میدیالری و ژورنالیست‌لر نهادلری فدراسیونی آرقلی بوگون کابل‌ده افغانستان رسانهلر و خبرچیلر وضعیتی‌نی تیکشیریش خصوصیده، بیر ییغین اوتکزیلیشی گه قرار آلینگن ایدی، بیراق اوشبو فدراسیون اعضا‌لری نینگ ایتیشلریچه، اوشبو ییغین نینگ یول گه قویلیشی اوچون اولر گه رخصت بیریلمه‌گن و اسلامی امارت مسئوللری بو ییغین نی لغو قیلگن.
فدراسیون رهبرلیگی اعضاسی سید علی‌اصغر اکبر‌زاده نینگ ایتیشیچه: «بوگون ۱۴۰۰-ییل ۶-دلو ژورنالیست‌لر نهادلری فدراسیونی و افغانستان رسانه‌لری نینگ کنفرانسی نینگ یولگه قویلیشی گه قرار آلینگن ایدی و بوتون ایچکی و تشقی رسانهلر خبر توزه‌تیش اوچون کیلگن ایدیلر، لیکن قیغو بیلن اسلامی امارت مسئوللری تامانیدن اوشبو کنفرانس لغو بولدی و بیزلرگه بو ییغین نینگ یولگه قویلیشی اوچون رخصت بیرمه‌دیلر.»
بیزلرنینگ توییترده هم تعقیب قیلینگ!
اوشبو فدراسیون اعضا‌لری نینگ ایتیشلریچه، اسلامی امارت رسمی‌لری تامانیدن اولرگه کیینگی خبرلری‌گچه هیچ قنده‌ی ییغیلین اوتکزیش‌گه حقلی ایمسلیک‌لری حقیده بویروغ بیریلگن. اولر اسلامی امارت‌دن، بو کبی قیینچیلیک‌لر حل قیلینیشی و آلدی آلینیشی اوچون، بو توغریده قانون یا-ده فکرلری باره‌سیده تیزلیک بیلن نهایی قرار آلیش لرینی سوره‌گن‌لر.
بیزلرنینگ فیسبوک صحیفه‌میزگه باش اورینگ!
مذکور ییغین نینگ لغو بولیش دلیلی خصوصیده، اسلامی امارت رسمی‌لری نی فکر-ملاحظه‌لرینی آلیش‌نی ایسته‌دیک، بیراق اسلامی امارت سوزلاوچیلری سلام‌وطندار نینگ قونقیراغ‌لری گه جواب قیترمه دیلر.
۱۶رسانه نهاد‌دن تشکیل ایتیلگن ژورنالیست نهادلری نینگ فدراسیونی و افغانستان ییتکیرمه‌لری تخمیناً بیر سنه‌دن بویان فعالیت قیله‌دی. بوگونکی ییغین اوشبو فدراسیون ۱۱ اعضا نهادی نینگ شرکتی بیلن یولگه قویلیشی گه قرار آلینگن ایدی.
