بدخشان محلی مسئوللری نینگ ایتیش‌لریچه، اوتگن کونی بیرینچی مرته مملکت‌ده سونگی سیاسی اوزگریش‌لردن کیین، مذکور ولایت معلومات و مدنیت ریاستی‌ده اوتگزیلگن احتفال‌ده نیسا مبارز اوشبو ولایت نینگ عیاللر نماینده‌سی صفتیده تانیشتیریلدی.
بدخشان معلومات و مدنیت ریاست رئیسی معزالدین احمدی نینگ ایتیشیچه، عیاللر افغانستان اسلامی امارت تیزیمی‌ده بوتون بولیم‌لرده اینیقسه حربی و امنیتی بولیم‌لرده هم ایش قیله‌آله‌دیلر.
بیزلرنینگ توییترده هم تعقیب قیلینگ!
جناب احمدی نینگ کوپه‌یتیریشیچه، اولر اوشبو ولایت عیاللری اوچون بیللی نشانه/آدرس ایجاد قیلگنلر که بو یول آرقه‌لی قیین‌چیلیکلری نی بیللی قیلیب و محلی مسئوللر بیلن شریک ایته آله‌دیلر.
شونده‌ی بیرحالده، بدخشان عیاللر اوچون معرفی بولگن ینگی نماینده نیسا مبارز نینگ ایتیشیچه، عیاللر اوتگن دولت‌ده یوقاری و معتبر تحصیلی/تعلیمی مدرک‌لری بولگنی گه علاوه، بیراق یخشی ایشلر گه قول تاپه‌آلمه‌ی و بو یولدن یخشی معاش قولگه کیتیره‌آلمه‌گنلر.
بدخشان عیاللر نماینده‌سی، مذکور ولایت‌ده مخدره ماده‌گه چلینگن عیاللر نی بدخشان مرکزی فیض‌آباد‌دن توپله‌ب و درمان بولگنلریدن کیین، اولر گه یخشی ایش زمینه‌سی نی فراهم قیلیش خصوصیده ایشانچ بیرگن.
بیزلرنینگ فیسبوک صحیفه‌میزگه باش اورینگ!
عین حالده، بدخشان امر بالمعروف و نهی عن‌المنکر ریاست رئیسی شیر‌احمد جواد، اوشبو برنامه آرقلی اسلامی امارت حکومتی‌ده عیاللر نینگ آزادی‌سیدن خبر بیریب و اورغولشیچه، عیاللر اسلامی ارزشلر نی پایمال قیلمه‌یشلری کیره‌ک.
باشقه بیر تاماندن، بدخشان عیال‌لریدن بیری شهره تمنا اوشبو ولایت عیاللر نماینده‌سی نینگ معرفی بولگن برنامه‌ده خورسندلیک بیلدیریب و اورغولشیچه، عیاللر نینگ حقیقی سیسی، بو نشانه‌دن مسئوللر گه ییتیشیشی کیره‌ک.
ایتیلیشچه، بدخشان عیاللری اوچون تعیین بولگن ینگی نماینده نینگ وظیفه‌سی خلق‌ارا و ملی نهاد‌لری بیلن عیاللر مقامیدن همکارلیک قیلیب و اولر گه ایش زمینه‌سی نی فراهم قیلیش دیر.
