بدخشان مرکزی فیض‌آباد شهریده تیریک‌چیلیک قیله‌دیگن بیرقطار عیاللرنینگ ایتیش‌لریچه، اوشبو ولایتده عیاللرگه سپورت قیلیش اوچون هیچ‌قنده‌ی فرصت یوق دیر و عیاللر سپورت دن محروم قالگن‌لر. اولرنینگ کوپه‌یتیریش‌لریچه، بو ولایتده عیاللر اوچون سپورت قیلیش مکان‌لر ایجاد ایتیلیشی کیره‌ک.
بدخشان‌لیک عیال‌لردن بیری فریبا نینگ ایتیشیچه، اوشبو ولایتده بوتون سپورتی میدان‌لر ایرکک‌لرگه اختصاص بیریلگن، بیراق بوتوغریده عیاللر اوچون هیچ‌قنده‌ی دقت بولمه‌گن و بدخشان سپورتی اداره‌سی عیاللرگه سپورت میدانی ایجاد قیلیش اوچون سعی و حرکت قیلمه‌گن.
بدخشان‌لیک عیال‌لردن باشقه بیری کریمه نینگ ایتیشیچه، سپورت قیلیش‌گه علاقمند دیر، بیراق عیاللرگه خاص سپورت میدانی بولمه‌گنی سبب، بو ایش‌نی انجام بیره آلمه‌یدی. او، بدخشان ولایتی بوییچه سپورتی کمیته مسووول‌لریدن بوتوغریده دقت قیلیب و عیاللر اوچون سپورت میدانی ایجاد قیلیشی‌نی سوره‌یدی.
عین‌حالده، بدخشان ولایتی بوییچه سپورتی کمیته آمری عبدالبصیر نیرومند نینگ ایتیشیچه، اوشبو ولایتده عیاللرگه خاص سپورت میدانی ایجاد ایتیلیشی بو اداره نینگ اولویت‌لریدن دیر.
جناب نیرومند گه کوره، کوپ قطار عیاللر بدخشان سپورتی اداره‌سیگه مراجعت قیلیب عیاللرگه خاص سپورت میدانی ایجاد ایتیلیشی‌نی ایسته‌یدی، لیکن اوشبو اداره حاضرگه‌قدر اولرنینگ ایستک‌لرینی عملگه آشیره آلمه‌گن. اونینگ کوپه‌یتیریشیچه، بو موضوعی نیچه مرت بدخشان محلی مقام‌لری بیلن شریک قیلگن، بیراق حاضرگه‌قدر دقت قیلینمه‌گن.
