سونگی کون‌لرده افغانی پول برابریده دالر بهاسی یوقاری کیتگن بیرحالده، مرکزی بانک نینگ اعلام قیلیشیچه، افغانی پول نینگ ثباتی اوچون ۱۰ میلیون دالر نینگ لیلام شکلده ساته‌دی.
اقتصادی ایش بیلرمانلردن قطاری نینگ ایتیش‌لریچه، بو مقدار پول افغانی بهاسی نینگ قیته یوقاری کیتیشی و ثباتی اوچون هیچ قنده‌ی تأثیری یوق.
اقتصادی ایش بیلرمانلردن بیری علی مشعل نینگ اورغولشیچه، ۱۰ میلیون دالر افغانی پول بهاسی کمه‌یشی و کوپه‌یشی برابریده هیچ نرسه ایمس و بو اقدام یالغیز اهالی نینگ روانی گه تأثیر قویه‌دی.
بیزلرنینگ فیسبوک صحیفه‌میزگه باش اورینگ!
شونینگدیک، اقتصادی ایش‌بیلرمان‌لردن باشقه بیری سیف‌الدین سیحون نینگ ایتیشیچه، پول بهاسی نینگ تعادلی اوچون دایمی اقتصادی فعالیت‌لرگه نیاز دیر و صادرات و تولیدات بولمسدن، یالغیز پوللرنینگ تزریق ایتیلیشی نی هیچ فایده‌سی یوق.
افغانستان گه اسلامی امارت حاکم بولگنیدن کیین، تشقی مملکت‌لرده سقلنگن مرکزی بانک سرمایه‌لری باغله‌نیب و شونینگدیک مملکت ایچیده هم اقتصادی فعالیت‌لر کمه‌یگن یا هم توخته‌تیلگن.
