سویس پایتختی ژنوا‌ده اسلامی امارت هیأتی بیلن بیر هفته‌لیک اوچره‌شوولرنینگ میزبانلیک قیلگن «فراخوان ژنوا » بنیادی، مذکور اوچره‌شوولردن کیین، «انسان‌دوستلیک» بیر اعلامیه نینگ تصویب بولگنی نی اعلام قیلگن.
مذکور بنیاد نینگ توییتر صحیفه‌سیده یازیشیچه، اوشبو اعلامیه‌ده افغانستان یشاوچیلری اوچون ساغلیک مراقبت‌لر ارایه و حفاظتی، تعلیم و اونملی مسله‌لر شامل دیر. بولرگه علاوه، انسان‌دوستلیک یاردملر گه حرمت قایل بولیش و یشش محیط و فرهنگی میراث‌لردن حفاظت قیلیش اوشبو اعلامیه نینگ باشقه موردلریدن دیر که اونینگ اوستیگه کیلیشگنلر.
بیزلرنینگ فیسبوک صحیفه‌میزگه باش اورینگ!
فراخوان ژنوا ، آتیشمه‌لر جریانی‌ده تینچ اهالی‌لردن حفاظت قیلیش زمینه‌سیده فعالیت قیله‌دی، دوشنبه کونیدن جمعه‌گچه، اسلامی امارت هیأتی بیلن بیر ییغین نی یاپیق دروازه‌لر آرتیده میزبانلیک قیلدی.
سویس تشقی ایشلر وزیرلیگیدن نقل قیلینیشیچه، اسلامی امارت مدافعه وزیرلیگی نینگ صف‌لر نی تازه‌لش کمیسیون ریاست رئیسی لطیف‌الله حکیمی، ژنوا‌ده ۱۰ کیشیلیک اوشبو هیأت نی رهبری قیلگن.
مذکور هیأت بیر هفته ایچیده غیر‌دولتی سازمان‌لر، یاردم بیرووچیلر، سویس و باشقه اروپایی مملکتلر نینگ رسمی‌لریدن قطاری بیلن اوچره‌شگن.
انسان حقوقی و انسان‌دوستلیک یاردملر گه حرمت، تینچ اهالی‌لر، یاردم بیرووچیلر و باله‌لردن حفاظت قیلیش اوشبو ییغین‌ده بحث گه آلینگن موضوع‌لردن دیلگن.
بیزلرنینگ توییترده هم تعقیب قیلینگ!
بیراق سویس تشقی ایشلر ویزیرلیگی نینگ اورغولشیچه، مذکور اوچره‌شوولر اسلامی امارت نینگ رسمیت گه تانیش معناسیگه ایمس.
اوشبو وزیرلیگی نینگ کوپه‌یتیریشیچه، اوروشلر، کووید ۱۹ نینگ چیقگنی و اونینگ اقتصادی و اجتماعی پیامدلری و شونینگدیک قیش موسمی‌ده هوا نینگ وضعیتی باعث، افغانستان یمان بیر وضعیت‌ده قرار تاپگن و اوشبو وضعیت نینگ حل قیلینیشی اوچون اسلامی امارت نی بو ییغین گه دعوت قیلگنلر.
