افغانستان امانت صندیغی‌دن نظارت قیلیش بورد اعضالری نینگ بیرینچی ییغینی اوتگن کون سویس پایتختی ژنو شهریده یولگه قوییلگن دیر.
افغانستان امانت صندیغی نینگ بورد عضوی و افغانستان مرکزی بانکی نینگ سابق ریاست رئیسی انوارالحق احدی نینگ سلام‌وطندار گه ایتیشیچه، مذکور ییغین نینگ یولگه قوییلگنیدن مقصد، ۳ میلیارد و ۵۰۰ میلیون دالر نی ایشله‌تیش دیر.
جناب انوارالحق گه کوره: «اوشبو ییغین‌ده تشکیلات و مصلحت‌چیلر کمیته‌سی ایجاد بولیشی خصوصیده صحبت قیلینگن و شونینگدیک مذکور ییغین نینگ اصلی بولیمی ۳ میلیارد و ۵۰۰ میلیون دالر نی قنده‌ی سرمایه یاتقیزیلیشی خصوصیده دیر که قنده‌ی کوپراق فایده قولگه کیلسین.»
بیزلرنینگ توییترده هم تعقیب قیلینگ!
افغانستان مرکزی بانکی بیر اعلامیه ترقه‌تیب ایتگن که، افغانستان مرکزی بانکی نینگ پولی ذخیره‌لری افغانستان اهالیسی گه تیگیشلی دیر و ییل‌لرده اوشبو پول‌دن، پولی ثبات نینگ حفظی، مالی توزوم نینگ محکم‌لنیشی و دنیا بیلن سوداگرلیک آسایشته‌لیک اوچون استفاده بولگن.
مرکزی بانک نینگ اعلامیه‌سی اساسیده، سویس گه مرکزی بانک پولی ذخیره‌لریدن بیر بولیمی نی انتقال بیریش و کیره‌کلی معیار‌لر نی نظرگه آلمه‌ی نامنظم هدف‌لر و شونینگدیک اوشبو بانک نینگ خواطرلری گه قره‌مه‌ی آلگن آمریکا نینگ قراری عادلانه ایمس.
مرکزی بانک نینگ اعلامیه‌سیده کیلگن که: «افغانستان اهالیسی نینگ واقعی نماینده‌لری حضوری بولمسدن و افغانستان مرکزی بانکی نینگ اشتراکی بولمسدن آلینگن مذکور قرار، قبول بولمه‌یدیگن دیر.»
اقتصادی ایش بیلرمان‌لردن قطاری مسدود بولگن پول‌لر نینگ ایشله‌تیش نی فایده‌لی بیلمه‌یدیلر.
بیزلرنینگ فیسبوک صحیفه‌میزگه باش اورینگ!
اقتصادی ایش بیلرمان‌لردن سیداحمد مسعود نینگ ایتیشیچه: «افغانستان اهالیسی نینگ پول‌لریدن نادرست قوللنمه‌یشی کیره‌ک و پول افغانستان رسمی دولتی گه تیگیشلی دیر و یخشی‌راق سقلنیشی کیره‌ک.»
اقتصادی ایش بیلرمان‌لردن باشقه بیری سیر قریشی نینگ ایتیشیچه: «اوشبو پول‌لر مملکت پولی سیاستی سقلنیشی اوچون دیر و نادرست جای‌لر گه قوللنمه‌یشی کیره‌ک.»
ایتیش کیره‌ک که، قییش موسومی ییتیب کیلیشی و مملکت یشاوچیلری قشاق‌لیک و نادار‌لیک بیلمن روپه‌ره بولگنی بیرحالده، اوشبو ییغین یولگه قوییلگن.
