دوحهده افغانستانلیکلر ارا سوزلشوولر باشلنگنیدن بویان، مملکتده اوروشلر شدتلنگن و امنیتی کوچلر و طالبان آرهسیده یوز بیرگن آتیشمهلرده کوپینچه تلفات امنیتی کوچلر بیلن تینچ اهالیگه ییتیشگن.
طالبان گروهینینگ هجومی آرتگنی خصوصیده افغانستان حکومتی و خلق ارا یاردمچیلر هم عکسالعمل کورستگن.
فرانسه نینگ کابلدهگی ایلچیلیگی طالبان گروهی نینگ امنیتی کوچلر برابریده اویوشتیرگن هجومینی قابل قبول بیلمهی و اوشبو گروه دن اوروشنی توختهتیشنی سورهگن.
فرانسه ایلچیلیگی افغانستانده دوامی بولگن اوروش نینگ توختهتیلیشی نی سوره گن.
بوگون “پنجشنبه” افغانستان بوییچه فرانسه ایلچیلیگی نینگ توییتر صحیفهسیده یازیشیچه، افغانستان اهالیسی کون اوتیش بیلن اوروشلرگه قربانلیک بیرهدی، بیراق طالبان گروهی زوروانلیککه دوام بیرماقده.
فرانسه ایلچیلیگی نینگ یازیشیچه، اوتگن کونی امنیتی کوچلردن اونلرچه تخار ولایتیده هلاک ایتیلدی و شونینگدیک، کمیده ۴۰ مینگ عایله هلمند ولایتی ده آواره بولگن.
فرانسه ایلچیلیگی، طالبان گروهی دن هجوملرینی توختهتیب و تینچلیک جریانیده یاردم بیریشی نی سورهگن.
عینحالده، بیرقطار سیاسی ایش بیلرمانلرنینگ ایشانچیگه کوره، طالبان اوروشنی شدتلنتیریش بیلن کوپینچه امتیاز قولگه کیلتیریب و افغانستان حکومتی اوستیگه ایستکلرینی قبول قیلدیریش مقصد ده دیر.