سابق حکومت صلح ایشلری بوییچه دولت وزیری و محمداشرف غنی نینگ افغانستان تینچلیک ایشلری بوییچه مخصوص وکیلی عبدالسلام رحیمی، بوگون اولکه گه قیتدی. افغانستان ملی تلویزیونی بیر ویدیو ترقه‌تیب، جناب رحیمی اولکه گه قیتیشی‌دن کیین اسلامی امارت تشقی ایشلر وزیرلیگی نینگ سرپرستی امیرخان متقی بیلن اوچره‌شگنیدن خبر بیرگن.
ترقه‌لگن ویدیوده، امیرخان متقی عبدالسلام رحیمی قیتیشینی خوش قرشی‌لب و او نینگ بو حرکتی‌نی آلقیشله‌گن. متقی اوشبو ویدیوده رحیمی گه ایتیشیچه: «حاضر اولکه گه قیتینگیز، کونی کیلیب تلویزیونی بحث ده قتنه‌شیب و اوز نظرینگیزنی حکومت گه قرشی هم بولسه بیان قیله آلیشینگیز ممکن.»
بیزلرنینگ فیسبوک صحیفه‌میزگه باش اورینگ!
امیرخان متقی اوشبو ویدیوده رحیمی گه ایتیشیچه: « قیتیش اوچون یخشی قرار آلدینگیز.» متقی صحبت لری دوامیده سابق جمهوررئیس مخصوص نماینده‌سی عبدالسلام رحیمی گه ایتیشیچه، حاضر کابل شهری ده حربی یوقاری قطارلر یوق، شاه، تیلَنچی، مأمور و هر کیمسه قورقمسدن شهرده یوریدیلر.
ملی تلویزیون گه کوره، عبدالسلام رحیمی اولکه گه قیتیشینی «وطن عشقی» دیب، یورت‌دن اوزاق یشه آلمسلیگینی بیلدیرگن.
بیزلرنینگ توییترده هم تعقیب قیلینگ!
عبدالسلام رحیمی، محمداشرف غنی حکومتی زمانیده، صلح ایشلری بوییچه دولت وزیری و حکومت نینگ سونگی آی‌لری‌ده، غنی تامانیدن تینچلیک ایشلری بوییچه مخصوص نماینده‌سی اوله‌راق تعینلندی که تیزیم قوللشی بیلن، مملکت‌نی ترک قیلدی و حاضر مملکت گه قیتگن.