۷۶ یاشیده بولگن جمعهنیاز یالغیز اوغلینی اوروشلر جریانیده قولدن بیرگن. او، حاضرده تورموش اورتاغی (خانمی) بیلن بیر اویگه تیریکچیلیک قیلهدی. جمعهنیاز نینگ ایتیشیچه، بیر اوغلی بار ایدی و ۳ ییل آلدین سابق حکومت امنیتی کوچلری و طالبان آرهسیده یوز بیرگن آتیشمهده هلاک ایتیلگن.
بیزلرنینگ فیسبوک صحیفهمیزگه باش اورینگ!
جمعهنیاز نینگ کوپهیتیریشیچه، حاضرده یمان وضعیتده حیات کیچیرهدی و جدی یاردم گه نیازی بار.
بادغیسده اوروش قربانلیکلریدن باشقه بیرقطاری نینگ ایتیشلریچه، ایکی ییلدن بویان حقوقلرینی قولگه کیلتیریشگه موفق بولمهگنلر و اقتصادی نقطهنظردن قیینچیلیکلری کوپ دیر.
بادغیس یشاوچیلریدن بیری محمد عارف آرمان اوروشلر جریانیده ناگران بولگن. اونینگ ایتیشیچه، اقتصادی قیینچیلیگی کوپ و حقوقینی هم قولگه کیلتیره آلمهیدی.
عینحالده، بادغیس حاکمی عبدالصمد جاوید نینگ ایتیشیچه، اولر بیر کمیته ایجاد قیلگن و اوروشلر جریانیده زیان کورگن عایلهلرگه یاردم بیریش اوچون سعی و حرکت قیلهدیلر.
مملکتده دوامی بولگن اوروشلر کوپقطار قربانلیکلر چیککهسیده، مینگلرچه عایله نینگ مهاجر بولیشیگه سبب بولگن.
بیزلرنینگ فیسبوک صحیفهمیزگه باش اورینگ!
ایتیلیشیچه، افغانستانده طالبان گروهی حاکم بولگنیدن سونگ، مینگلرچه عایله مهاجر بولگنلر و کوپقطار عایلهلر مملکتنی ترک قیلیش اوچون سعی و حرکت قیلماقدهلر.