حکومت رسمی‌لری نینگ ایتیش‌لریچه، کیلهجک کون‌لرده دولت عالی مصلحتی کینگش چییکه‌سیده فنی کینگش‌نی هم ایجاد ایتیلیشی ممکن.
عین‌حالده، ایش بیلرمانلرنینگ ایتیش‌لریچه، فرقلی نام‌لرده کینگش‌لرنینگ ایجاد ایتیلیشی بی‌فایده دیر.
سیاسی ایش بیلرمانلردن بیری نورشاه نورانی نینگ ایتیشیچه، تینچلیک و چیت‌ایللیک کوچلرنینگ چیقیش جریانی باشلنگن، انه‌شوو سبب، دولت و طالبان گروهی اهالی‌نی توپلش بیلن اولرنینگ حمایت‌لرینی جلب قیلیش اوچون سعی و حرکت قیله‌دیلر.
جناب نورانی نینگ کوپه‌یتیریشیچه، کینگش‌لرنینگ ایجاد ایتیلیشی‌نی منفعت‌لر چیککه‌سیده زیان‌لری هم بار دیر.
اونینگ ایتیشیچه، اوشبو کینگش‌لرنی هزینه‌سی بار و اهالی، قوم‌لر و سیاستچی‌لر آره‌سیده قیین‌چیلیک یره‌تیشی ممکن.
شونینگدیک، سیاسی ایش بیلرمانلردن باشقه بیری فضل‌الرحمان اوریا نینگ ایتیشیچه، دولت بونده‌ی کینگش‌لرنی ایجاد قیلیش بیلن آمریکالیکلر و چیت‌ایللیکلرگه واحد بیر صف‌گه بولگنی‌نی اثابت قیلیش‌نی ایستهیدی.
اونینگ کوپه‌یتیریشیچه، بو مسله‌نی کاغذ اوستیگه بولگن بیر موضوع عنوان قیلیب و بونده‌ی کینگش‌لرنینگ ایجاد ایتیلیشی چیت‌ایللیک کوچلر چیقگنیدن سونگ، دولت و اهالی‌گه قرشی قیین‌چیلیک یره‌ته‌دی و کته فاجعه یوز بیریشی‌گه سبب بولیشی ممکن دیر.
انه‌شوو حالده، حکومت رسانه‌لر مرکزی باشلیغی دواخان مینه‌پال نینگ سیاسی ایش بیلرمانلر خواطرلرینی رد قیلیب ایتیشیچه، اوشبو کینگش‌لر اونملی مسله‌لر خصوصیده حکومت‌گه مصلحت بیره‌دی.
اونینگ کوپه‌یتیریشیچه، دولت عالی کینگشی تیزلیک‌که رسمی شکلده آچیله‌دی و بیرینچی ییغین اوچون تیارگرلیکلر آلینماقده.
دولت عالی مصلحتی کینگش ترکیبیده سیاسی و جهادی سیمالر شامل ۱۵ دن باشلب ۲۵ کیشی نینگ عضویتی بولیشی ممکن.
ایتیلیشیچه، مملکت سیاستچی‌لریدن بیرقطاری مذکور کینگش ایجاد ایتیلیشی‌گه قرشی کیلگنلر.
