ترانسپورت و هوا یوللری وزیرلیگی نینگ هواشناسلیک ریاستی مسئوللری سلاموطندار بیلن اۉتکزگن صحبتلریده، اوشبو هفته چهارشنبه و پنجشنبه کونلری (۲۴ و ۲۵-اسد) نورستان، کنر، ننگرهار، لغمان، لوگر، پکتیا، خوست و پکتیکا ولایتلریده کوچلی یامغیر یاغیب، سوو تاشقینی و بوران یوز بیریش احتمالی پیشبینلیک بولگنینی اېتگنلر.
هواشناسلیک ریاستی باشلیغی محمدنسیم مرادی، اوشبو ولایتلر نینگ تورلی منطقهلریده یامغیر یاغیش میزانینی ۱۵ دن ۳۰ ملیمتر پیشبینلیک قیلگن.
اونینگ کوپهیتیریشیچه: «اېرته و کېلهسی کونی، قویاش ۱۴۰۳-ییل ۲۴ و ۲۵-اسد، نورستان، کنر، ننگرهار، لغمان، لوگر، پکتیا، خوست و پکتیکا ولایتلریده کوچلی یامغیر یاغیشی، بوران و سوو تاشقینی پیشبینلیک بولگن.»
بیزلرنینگ فیسبوک صحیفهمیزگه باش اورینگ!
شونینگدیک، سوو و برق وزیرلیگی مسئوللری، بیر بیانیه ترقهتیب کېلهسی ایکّی کونده مملکت نینگ سکیز ولایتیده کوچلی یامغیر یاغیب و سوو تاشقینی یوز بیریشیدن آگاهلنتیریش بیلن، یشاوچیلردن اوشبو کونلرده دریالر و سوو تاشقینی یوز بیرهدیگن منطقهلر گه بارمسلیکلرینی اېستهگن.
سوو و برق وزیرلیگی سۉزلاوچیسی مطیعالله عابد نینگ سلاموطندار گه ایتیشیچه: «چهارشنبه و پنجشنبه کونلری یامغیر یاغیشی و سوو تاشقینی پیشبینلیک بولگن منطقهلر اهالیسی دریالر گه یقینلمهسینلر، ذکر بولگن تاریخلرده سوو تاشقینلری و سکیز ولایت ده سوو مقداری یوقاری کېتیشی پیشبینلیک بولگن.»
کېلهسی کونلرده کوچلی یامغیر یاغیشی و سوو تاشقینی یوز بیریشی پیشبینلیک بولگن ولایتلر نینگ یشاوچیلریدن بیرقطاری، سوو توغانلری و استنادی دیوارلر قوریقلنیشی حقیده دقت قیلینیشینی سۉرهگنلر.
بیزلرنینگ «ایکس» ترماغی ده هم تعقیب قیلینگ!
لغمان ولایتی یشاوچیسی گلآغا نینگ سلاموطندار گه ایتیشیچه: «اوتمیشده کوچلی یامغیر یاغیب و سوو تاشقینلری طفیلی یشش اویلریمیز بوزیلدی، بوتوغریده هېچ کیم دقت قیلمهدی حکومتدن اویلریمیز بوزیلمسلیگی اوچون استنادی دیوارلر قوریقلنیشی مقصدیده دقت قیلیشینی اېستهیمیز.»
هوا شناسلیک ریاستی مسئوللری گه کوره، اوشبو هفته چهارشنبه و پنجشنبه کونلری سالنگلر شامل مملکت نینگ شمال، شمالشرق، غرب، جنوب، شرق و مرکزی ولایتلریده نسبتن کوچلی بوران یوز بیریشی ممکن، تورلی منطقهلرده بوران تېزلیگی بیر ساعت ده ۵۰ دن ۸۰ کیلومتر پیشبینلیک بولگن.
