تخار بیلیم یورت طلبه‌لریدن قطاری نینگ سلام‌وطندار گه ایتیش‌لریچه، فارسچه، پشتونچه، اوزبیکچه و انگلیسچه‌ده یازیلگن مذکور ولایت بیلیم یورتی نینگ لوحه‌سی، تخار بیلیم یورتی نینگ اداره مسئوللری تامانیدن توشیریلگن.
اولر مسئوللر آرقه‌لی تخار بیلیم یورت لوحه‌سی نینگ توشیریلگنیدن تنقید‌لب و ایتیش‌لریچه، مذکور بیلیم یورت‌ده، مملکت نینگ تورلی قوم‌لری تحصیل قیلیب و اوشبو ولایت‌ده تورلی قوم‌لر هم حیات کیچیره‌دی.
طلبه‌لر نینگ کوپه‌یتیریش‌لریچه، مسئوللری اوتمیش کبی تخار بیلیم یورتی نینگ لوحه‌سی نی قیته تورت تیل‌ده یازیب و نصب قیلیش‌لری کیره‌ک، عکسینچه‌سی فارسچه و اوزبیکچه نینگ اوچیریلگنی، اولر گه قبول بولمه‌یدیگن بیر نرسه دیر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، تخار بیلیم یورتی نینگ حقوقی کلینیک مدیری ثناءالله سدید، مسئوللر آرقه‌لی اوشبو بیلیم یورت لوحه‌سی نینگ توشیریلگنی نی غیرقانونی دیب و ایتیشیچه، بیر تیل نینگ اوچیریش، بیر قوم نینگ حذف قیلیش دیر و تخار بیلیم یورت لوحه‌سیدن فارسچه و اوزبیکچه نینگ اوچیریلمه‌یشی کیره‌ک.
اونینگ کوپه‌یتیریشیچه، مسئوللر برچه قوم‌لر نینگ تیل‌لری گه حرمت قایل بولیش‌لری کیره‌ک.
باشقه بیر تاماندن، تخار بیلیم یورت رئیسی خیرالدین خیرخواه نینگ ایتیشیچه، اسلامی امارت حکومتی نینگ پالیسی‌سی و توزوم نینگ اوزگرگنی باعث، جمهوریت لوگوسی نی امارت گه تبدیل قیلینیشی اوچون مذکور بیلیم یورت لوحه‌سی توشیریلگن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه، مذکور لوحه نی ینه‌م تورت تیل گه یازیلیب و قیته نصب بولیشی اوچون سعی و حرکت قیله‌دیلر.
