بوگون “چهارشنبه” افغانستان صناعتچیلر بیرلشمه‌سی نینگ رئیسی عبدالجبار صافی، کابلده یولگه قوییلگن خبری بیر ییغینده، سونگی اوچ آی‌ده صناعتچی‌لرنینگ یوتوق‌لری، قیین‌چیلیکلری و پیشنهاد‌لرینی اعلام قیلیش جریانیده ایتیشیچه، مذکور مدت‌ده صناعتی ایشخانه‌لرنینگ ایش‌لری ۴۰% کمه‌یگن.
جناب صافی نینگ ایتیشیچه، افغانستان پولی ذخیره‌لری نینگ باغلنگنی، بانکی خذمت‌لر نینگ ارایه قیلینیشی‌گه قرشی چیکلاو یره‌تیلگنی، اداره‌لر فعالیتی نینگ کمه‌یشی، قوروقچی‌لیک و شونینگدیک، خام ماده کیلیتیریشی خصوصیده ظرفیت کمه‌یگنی سبب، یالغیز ۶۰% ایشخانه فعال قالگن.
افغانستان صناعتچیلر بیرلشمه‌سی رئیسی، اسلامی امارت دن صناعتچیلر قیین‌چیلیک‌لرینی حل قیلیش و اولرنینگ قولا‌یلیک بیلن بانک‌لردن پول آلیش‌لریگه زمینه یره‌تیشی نی سوره‌گنلر.
عین‌حالده، صناعتچیلر خام ماده نینگ قوشنی مملکت‌لرگه قاچاق ایتیلیشیدن خواطر بیلدیریب ایتیش‌لریچه، بو عمل‌گه توسیق ایتیلمه‌گن صورتده، افغانستانده سرمایه یاتغیزیش محدود بولیشی ممکن.
افغانستانده اسلامی امارت حاکم بولگنیدن کیین، مملکتده ایشخانه‌لردن قطاری نینگ فعالیتی تورلی دلیل‌لر باعث تاخته‌ب یا-ده کمه‌یگنی بیرحالده، اوشبو بیانات‌لر مطرح بولگن.
