جمهورلیک ریاستی بیرینچی اورین باسری امرالله صالح، عبدالرووف نینگ عایله‌سیدن ۱۵ کون مهلت ایسته‌گن ایدی و مذکور مدت‌ده اوغلی‌نی آدم اوغیرلاوچی‌لر قولیدن آزاد قیلیشیدن ایشانچ بیرگن ایدی و شونینگدیک، جمهور رییس غنی، بلخ محلی مسوول‌لریگه مذکور اوغیرلنگن باله‌نی آزاد قیلیش اوچون ۱۰ کون زمان بیرگن ایدی.
حاضرده ۱۵ کون مهلت یکونلنگن، لیکن عبدالرووف نینگ سرنوشتی بیللی ایمس.
۱۵ کون‌لیک مهلت یکونلنگنیدن سونگ، بلخ ترکتبارلری بیر اعتراض آرقه‌لی، کیله‌سی ۷۲ ساعتده عبدالرووف آزاد ایتیلمه‌گن صورتده، بوتون سوداگرلیک بندرلر و قتناو یول‌لرنی باغلش‌لریدن آگاه‌لنتیرگنلر.
اعتراضچی‌لر کمیده ۷۰ کوندن بویان بلخ ولایت مقامی برابریده خیمه قورگنلر. اولرنینگ ایتیش‌لریچه، جهمور رییس و بیرینچی اورین باسری نینگ مهلتی یکونلنگنیدن ۲۴ ساعت اوتگن، لیکن عبدالرووف تاپیلمه‌گن.
عبدالرووف نینگ عایله اعضاسینی ایتیش‌لریچه، آدم اوغیرلاوچی‌لر خصوصیده بولگن بوتون معلومات‌لر بیللی دیر، لیکن حکومت اوشبو باله‌نی قوتقریش اوچون اراده قیلمه‌یدی.
مذکور باله نینگ آته‌سی محمدنبی نینگ ایتیشیچه، اوغلی‌نی آزاد قیلیش اوچون طالبان نینگ سعی و حرکتی حکومت ایش‌لریگه قره‌گنده تاثیرلی دیر.
اوشبو اعتراض‌ده بیرقطار عیاللر هم اشتراک قیلگن. عبدالرووف نینگ آنه‌سی اعتراض بیرینچی قطاریده قرار تاپگن و باله‌سی نینگ ازاد ایتیلیشی اوچون عدالت ایسته‌یدی.
عینحالده، بلخ حاکمی فرهاد عظیمی، مملکت جمهور رییسی نینگ ۱۵ کون مهلتی یکونلنگنی خصوصیده ایتیشیچه، بو موضوع سیاسی بولگن و محلی حکومت چیککه‌سیده مرکز هم عبدالرووف نی آدم اوغیرلاوچی‌لر قولیدن آزاد قیلیش اوچون سعی و حرکت قیلماقده.
جمهورلیک ریاستی و ایچکی ایشلر وزیرلیگی، جمهور رییس محمداشرف غنی نینگ ۱۵ کون‌لیک مهلتی یکونلنگنی خصوصیده صحبت قیلمه‌گن.
بیراق، بلخ پولیس قومندانلیگی نینگ ایتیشیچه، کشفی و استخباراتی نهادلر بوتوغریده کیمده ۱۰ کیشی‌نی قولگه آلگن و عبدالرووف‌نی اوغیرلگن کیشی‌لرنی تانیش اوچون سعی و حرکت‌لرنی دوامی بار.