اسلام امیرلیگی حادثهلرگه قرشی کورهش ادارهسینینگ اعلام قیلیشیچه، افغانستان ده یوز بیرگن یاغینگرچیلیکلر، سووتاشقینلر و ییر سیلجیشی عاقبتیده، ۱۰ کیشی اولیب و آلتی کیشی یرهلنگن.
اوشبو اداره سوزلاوچیسی اورینباسری تاجمحمد همتنینگ بوگون (۳-اسد، شنبه)، ایتیشیچه، مذکور یشاوچیلر اوتگن ۴۸ ساعت ایچیده کابل، پروان، کاپیسا، پنجشیر، پکتیا، پکتیکا، لوگر، خوست، میدانوردک، غزنی، زابل، بدخشان، ننگرهار، لغمان و کنر ولایتلریده یوز بیرگن یاغینگرچیلیکلر و سوو تاشقینلرده اولیب و یرهلنگنلر.
همتنینگ کوپهیتیریشیچه، سونگی ایکی کون جریانیده یوز بیرگن سوو تاشقینلر نتیجهسیده، ۶۳۰ دن آرتیق یشش اوی ویران بولگن. حادثهلر گه قرشی کورهش اداره سوزلاوچیسی اورینباسری گه کوره، شونینگدیک سوو تاشقینلرده ایکی مینگ ۷۲۸ عایله تاثیرلنگن.
