اسلام امیرلیگی طبیعی آفتلر گه تیارگرلیک کوریش ادارهسی، نورستان ولایتیده یوز بیرگن سوو تاشقینلری عاقبتیده ۲۳ کیشی هلاک بولیب و ۸۰ کیشی یرهلنگنینی معلوم قیلدی.
اوشبو اداره سوزلاوچیسینینگ اورین باسری تاجمحمد همت، بوگون (۳۰ سرطان/۲۱ جولای، سهشنبه) نورستان مرکزی پارون شهری و بو ولایت باشقه حدودلریدهگی سوو تاشقینلریده قریب ۱۰۰ کیشی بیدرک بولگنینی ایتگن.
همت جنابلرینینگ ایتیشیچه، اوشبو طبیعی آفتلرده ۳۰ یشش اوی قسمی و بوتونلی شکلده بوزیلگن. طبیعی آفتلر گه تیارگرلیک کوریش ادارهسی، سوو تاشقینی سببلی جبرلنگن حدودلرنی تیکشیریش اوچون بیر هیئت یوباریلگنینی ایتگن.
