تخار ولایتی خواجه بهاءالدین تومنیده‌گی ایشانچلی بیر منبع نینگ سلام‌وطندار گه ایتیشیچه، پاکستان دن کیلگن مهاجرلر، ایکی کوندن بویان اوشبو تومن نینگ «شورتوغی» و «گلبهار» قیشلاغ‌لریده محل یشاوچیلرینی زوردن کوچیریشنی باشله‌گن و حاضرگچه «گلبهار» قیشلاغیدن ۵۰ دن آرتیق عایله‌نی کوچیرگنلر.
منبع گه کوره، اوتگن کون (سه‌شنبه، ۲۳ سنبله) مهاجرلر اسلامی امارت کوچلریدن قطاری نینگ یاردمی بیلن، «شورتوغی» قیشلاغیده یشاوچیلرنی زوردن کوچیرماقچین ایکنلر، بیراق محل یشاوچیلری نینگ قرشی لیگی بیلن روپه‌ره بولیشه‌دی.
بیزلرنینگ فیسبوک صحیفه‌میزگه باش اورینگ!
منبع نینگ کوپه‌یتیریشیچه، دستلب مهاجرلر و اسلامی امارت کوچلری محل یشاوچیلریدن بیر قطارینی کلتکلب و کیین ایسه آدم‌لر گه اوق آتیشگن که نهایت، ایکی ییگیت شامل تورت کیشی یره‌لنگن.
منبع نینگ معلوماتی اساسیده، اوق آتیش دن کیین، محل یشاوچیلری «بیل و کلنگ» بیلن مهاجرلر و اسلامی امارت کوچلری گه هجوم قیلیب و اولرنی قیشلاق‌لریدن چیقریشگن.
منبع‌لر نینگ ایتیشلریچه، سونگی بیر آی ده یوزلب کوچی عایله و مهاجرلر، پاکستان دن خواجه بهاءالدین تومنی گه کیلیب، مذکور تومن نینگ نیچه قیشلاغیده ییر و اوی‌لری غصب ایتیلگنینی ادعا قیله‌دیلر؛ لیکن محل یشاوچیلری بو ادعالرنی رد قیلیشه‌دی.
بیزلرنینگ توییترده هم تعقیب قیلینگ!
تخار محلی مسئوللری بوتوغریده حاضرگچه هیچ نرسه دیمه‌گن. مسئوللر بوندن آلدین خواجه بهاءالدین ده‌گی جنجل‌لر تیکشیریلیشینی ایتگن ایدیلر.
