تخار ده ساغلیک مرکزلردن بیرقطاری نینگ مسئوللری گه کوره، سونگی بیر ییل ده اوشبو ولایت ده کم‌قانلیککه چلینگن عیاللر سیزیلرلی درجه ده کوپه‌یگن. اولر نینگ ایتیشلریچه، کم‌قانلیک بعضی حالت‌لرده حتا چقه‌لاق‌لر اولیک دنیا گه کیلیب یا که قطار آنه‌لر نینگ اولیمی گه سبب بولگن.
تخار مرکزی تالقان شهری ده «افغان‌تورک» کلینیکی ده شفاکار ضیاگل نینگ ایتیشیچه: «بیر آنه ساغ بولمسه، توییب آوقات‌لنمه‌ی و کم‌قان بولسه چقه‌لاغی هم توییب آوقات‌لنمسلیک، دوداق و تنگله‌ی جیریق، آنومالی (سوءشکل) دنیا گه کیله‌دی.»
بیزلرنینگ فیسبوک صحیفه‌میزگه باش اورینگ!
عین‌حالده، تخار ده‌گی عیاللردن بیرقطاری نینگ ایتیشلریچه، کمبغل‌لیک و یخشی توییب آوقات‌لنمسلیک باعث کم‌قانلیککه چلینگنلر. مذکور ولایت یشاوچیسی آمنه گه کوره، کم‌قانلیک طفیلی ضعیف بولیب و تورت آی‌لیک چقه‌لاغی گه سوت بیره آلمه‌یدی.
تخار یشاوچیسی شکیبا نینگ ایتیشیچه، کم‌قانلیک باعث ضعیف بولیب و ایاغ آغریلیک تاپگن. او نینگ کوپه‌یتیریشیچه: «کیچه‌لر ایاغیم آغریگنی اوچون اویخیله آلمه‌ی من. هر شفاکار آلدیگه مراجعت قیلسم چقه‌لاققه سوت بیره‌سنگ، قانونی یاشنی تولدیرمه‌ی تورموش گه چیققیب و چقه‌لاق دنیا گه کیلتیرگن سنگ، شونی اوچون کلسیم آزلیگی بیلن دوچ بولیب و چقه‌لاق نقص قیلگنینی ایته‌دیلر.»
تخار ده شفاکارلر نینگ ایتیشلریچه، کوپ سانده عیاللر کم‌قانلیککه چلینگنلر. آنه‌لر چقه‌لاق‌لری گه سوت بیریش و حامله‌لیک پیتیده و قیزلر ایسه عادی حالت ده قان‌نی کوپه‌یتیریش دارولردن استعمال قیلیش‌لری کیره‌ک. شفاکارلر گه کوره، توییب آوقات‌لنمسلیک، کم‌قانلیککه چلینیش برابری ده بی‌فرق‌لیک و ییترلیچه اویخیله‌مسلیک، کم‌قانلیککه چلینیش عامللریدن سنله‌دی. اولر نینگ کوپه‌یتیریشیچه، سرپرست حکومت کم‌قانلیککه چلینیش و قان‌نی کوپه‌یتیریش دارولرنی توزیع قیلیش حقیده آگاهی‌لیک بیریش اوچون ترتیبلی و دایمی برنامه‌لری بولیشی کیره‌ک.»
بیزلرنینگ توییترده هم تعقیب قیلینگ!
ایچکی کسل‌لیکلر متخصصی زمان‌الدین صدیقی گه کوره: «افغانستان ده کمبغل‌لیک، ییگولیک ماده‌لر، معدنی مواد و منرال‌لر آزلیگی بیلن روپه‌ره‌میز. کم‌قانلیککه چلینمسلیک و چقه‌لاق ساغ-سلامت دنیا گه کیلیشی اوچون حامله‌لیک بیرینچی آی دن آخریگچه فلوکسید و آهن استعمال قیلیش لازم.»
بوتوغریده تخار ساغلیق‌نی سقلش ریاستی مسئوللری نینگ فکر_ملاحظه‌سینی اورگه‌نیش اوچون تلاش قیلدیک؛ لیکن کیتمه_کیت سعی‌وحرکت‌لر بیلن موفق بوله آلمه‌دیک.
ایتیش کیره‌ک که، بوندن آلدین مکتب‌لر و تعلیمی مرکزلرده اوقووچی قیزلر گه قان‌نی کوپه‌یتیریش دارو توزیع بولر ایدی؛ بیراق سونگی ایکی ییل ده تعلیمی مرکزلر یاپیلیشی بیلن قیزلر گه بو دارولر توزیع بولمه‌یدی.
