مملکت قان ملی بانکی، چهارشنبه کونی، ۲۴ جوزا، ساغلیق‌نی سقلش وزیرلیگی ده خلق‌ارا قان ساوغه قیلیش کونی مناسبتی بیلن اوتکزیلگن ییغیلیش ده، کانگو کسل‌لیگی کوپه‌یشی اوچون مذکور بانک کوپ قان گه نیازمندلیگینی بیلدیرگن.
افغانستان ده کانگو کسل‌لیگیگه چلینگنلر نینگ سانی بیللی بولمسه ده، بیراق قان ملی بانکی باشلیغی محمدصادق امین گه کوره، اوشبو کسل‌لیک کوپه‌یشی بیلن حاضرگچه ۴۲ مینگ ۸ قان یونتی توزیع قیلگنلر.
او نینگ کوپه‌یتیریشیچه: «حاضرگچه ۴۲ مینگ ۸ پلاتیلیت قان یونتی توزیع قیلگن‌میز، حاضرگی کونده پلاتیلیت کانگو کسل‌لیگیگه قرشی کوره‌ش یگانه حل یول دیر؛ اوتگن بیر ییل ده قان ملی بانکی ۱۰۷ میلیون ۸۴۱ مینگ سی‌سی قان ییققن.»
بیزلرنینگ توییترده هم تعقیب قیلینگ!
مذکور ییغیلیش ده قان ملی بانکی باشلیغی، خلق‌ارا ساغلیق‌نی سقلش تشکیلاتی دن قان تیارلش اوچون طبی امکانیت یاردم بیریشینی طلب قیلگن.
اونگه کوره: «موجود قیینچیلیکلر حلی اوچون، خلق‌ارا ساغلیق‌نی سقلش تشکیلاتی دن طبی امکانیت یاردم بیریشینی ایسته‌یمیز، قان ییغیش بس‌لر و قان پلازماسینی اجره‌تیش اوسکونه یوق‌لیگی، اساسی قیینچیلیک‌لردن دیر.»
قان ملی بانکی مسئوللری گه کوره، قان ییغیش بانک‌لر کیله‌سی بیر آی گچه برچه زون‌لرده فعالیت گه باشلش‌لری ممکن.
قان ملی بانکی ده شفاکارلردن بیری اسلام‌الدین نینگ ایتیشیچه، ساغلام کیشی‌لر ۳ و ۴ آی ده قان گه نیازی بولگن کسل‌لر گه قان ساوغه قیلیش‌لری کیره‌ک.
او نینگ کوپه‌یتیریشیچه: «ساغلام عیاللر بیر ییل ده اوچ مرته قان بیریش‌لری ممکن و فزیکی حالت‌لری نورمال بولگن ایرکک‌لر بیر ییل ده تورت مرته قان بیره آله‌دی.»
شونینگدیک، قان ساوغه قیلووچیلردن بیرقطاری گه کوره، نه فقط اوشبو کون ده بلکه انسان و همکار اوله‌راق هر وقت کسل کیشی‌لر گه قان بیریش گه تیارلر.
بیزلرنینگ فیسبوک صحیفه‌میزگه باش اورینگ!
قان ساوغه قیلووچیلردن شرف‌الدین گه کوره: «قان گه نیازی بولگن کیشی‌لر گه قان بیردیک، باشقه‌لر دن هم کسل‌لر گه قان بیریش‌لرینی ایسته‌یمیز.»
قان ساوغه قیلووچیلردن باشقه بیری محمدامین نینگ ایتیشیچه: «بیرینچی مرته قان گه نیازی بولگن کیشی‌لر گه قان بیردیم و باشقه‌لردن هم قان ساوغه قیلیش کمپاینی گه قوشیلیش‌لرینی ایسته‌یمیز.»
قان ملی بانکی مسئوللری نینگ ایتیشلریچه، اوتگن ییلی قان ییغیش اوچون ۲۱۲ مرته کمپاین یولگه قوییشگن، بیراق قان ییغیش اوچون کوپراق کمپاین یولگه قوییلیشی کیره‌ک.
