فواید عامه وزیرلیگی مسئوللری، تخار ده ۳۴.۹ میلیون افغانی‌لیک اوچ پروژه ایشی باشلنگنیدن خبر بیرگنلر.
فواید عامه وزیرلیگی سوزلاوچیسی محمداشرف حق‌شناس گه کوره، اوشبو پروژه‌لر ایشی پنج‌شنبه کونی، ۱۱-عقرب، عملی روشده باشلنگن.
بیزلرنینگ فیسبوک صحیفه‌میزگه باش اورینگ!
حق‌شناس جنابلری نینگ کوپه‌یتیریشیچه، مذکور پروژه‌لر تخار-بدخشان آره‌سیده ۵۸ کیلومتر سرک نی قیته قوریش، تخار-قندوز آره‌سیده ۳۲.۳ کیلومترک سرک نینگ قیته قوریش، شونینگدیک تخار ولایتی بهارک، خواجه‌غار، رباط چولی و فرخار تومنی سرک‌لرینی اسفالت قیلیش دن عبارت دیر.
اونگه کوره، بو پروژه‌لر قراردادی فواید عامه وزیرلیگی تامانیدن انشاآتی و سرک قوریش فیرمه‌لر بیلن امضالنگن و ایش‌لری عملی روشده باشلنگن.
بیزلرنینگ «ایکس» ترماغی ده هم تعقیب قیلینگ!
فواید عامه وزیرلیگی سوزلاوچیسی نینگ ایتیشیچه، اوشبو پروژه‌لر خره‌جتی ۳۴.۹ میلیون افغانی دیر و ایش‌لری اوچ آی دن بیش آی گچه یکونلنیب و فایده‌لنیش گه تاپشیریلیشی کوتیله‌دی، مذکور پروژه‌لر ایشی یکونلنیشی بیلن یشاوچیلر نینگ ترانسپورتی قینچیلیک‌لری حل بوله‌دی.
