بغلان ولایتی نهرین تومنی نینگ اوزاق‌ده جایلشگن قیشلاق یشاوچیلریدن قطاری، ساغلیق خذمت‌لر و ارتباطی یول‌لر گه قول تاپه آلمه‌یش‌لری خصوصیده شکایت قیله‌دیلر.
اولر نینگ ایتیش‌‌‌لریچه، موتر‌لر نینگ اوتیب-قیتیشی اوچون ستندرد سرک یوقلیگی سبب، کسل‌لری نی حیوان‌لردن قوللنیب ساغلیک مرکزلر گه انتقال بیره‌دیلر.
نهرین تومنی «دوآبی» قیشلاغ یشاوچیلریدن بیری فخر‌الدین نینگ سلام‌وطندار گه ایتیشیچه: «اهالی‌میز نینگ قیین‌چیلیگی ییل‌لردن بیری دوام قیلماقده. ستندرد سرکی‌میز یوق. حامله عیال‌لر و کسل بولگن عاجل کسل‌لریمیز نی قنده‌ی بوزوق سرک‌لرده حیوان‌لر آرقه‌لی کسل‌خانه گه انتقال بیره‌یلیک. سرک یوقلیگی سبب، کسل‌لریمیز‌دن ۸۰ فایزی اولیش بیلن روپه‌ره بولیشی ممکن.»
بیزلرنینگ فیسبوک صحیفه‌میزگه باش اورینگ!
نهرین یشاوچیلریدن باشقه بیری مذکور وضعیت‌دن شکایت قیلیب و ایتیشیچه: «اوشبو قیشلاغ‌ده ساغلیک کلینیک یوق؛ بیراق افغانستان ده قیته قوریلیش اوچون مملکت‌لر نینگ میلیارد‌لر دالر یاردمی بولگنی بیلن، حکومت تامانیدن بو ییرده هیچ بیر ساغلیک کلینیک توزه‌تیلمه‌گن که، بو ییرده کمیده ایکی مینگ فامیل و اون ایکی مینگ نفوس حیات کیچیره‌دی. توزه‌لگنی صورت‌ده، عیال‌لر، کسل‌لر، باله‌لر و بیزلر کبی بیچاره و قشاق‌لر نینگ کیله‌جگی یخشی بوه‌لر ایدی.»
شونینگدیک بغلان ولایتی نهرین تومنی نینگ سجان حوزه‌سیده‌گی قیشلاغ یشلاوچی‌سی طوفان نینگ ایتیشیچه، مذکور قیشلاغ درمان مرکزدن ییتی ساعت فاصله‌سی بار و موتر‌لر نینگ اوتیب قیتیشی اوچون سرک یوقلیگی سبب، یشاوچیلر کسل‌لری نینگ وقتی‌ده درمانی مرکزلر گه انتقال بیره آلمه‌یدیلر.
بیزلرنینگ توییترده هم تعقیب قیلینگ!
عین حالده، بغلان حاکمی سوزلاوچیسی علم مجیدی نینگ ایتیشیچه، اسلام امیر‌لیگی نینگ قدرت گه ایریشگنیدن کیین، مذکور ولایت‌ده هیچ قنده‌ی رواج‌لنیش پروژه یولگه قوییلمه‌گن و یولگه قوییلگنی صورت‌ده، اوشبو قیشلاغ یشاوچیلری نینگ قیین‌چیلیگی حل بولیشی اولویت‌ده قرار تاپگن دیر.
نهرین، بغلان نینگ ۱۵ تومنی‌دن بیری دیر که، اوشبو قیشلاغ یشاوچیلریدن کوپ قطاری، ساغلیق خذمت‌لر و ارتباطی یول‌لر گه قول تاپه آلمه‌یشلری‌دن شکایت قیله‌دیلر.
