ایسیق یاز موسمی نینگ ایرتنگ چاغی جوزجان نینگ درزاب و قوشتپه تومنی یشاوچیلری نینگ سوزلری نی تینگلش و سونگی نیچه ییل‌ده اوستلری گه کیلگن واقعه‌لر نی ایشیتیش اوچون اوشبو تومنلر گه باردیم.
سرک‌لر نینگ خراب‌لیگی، برق یوقلیگی و ساغلیق مرکزلر نینگ کم‌لیگی یانیده، ویرانه‌لر کوزگه کورینه‌دی که انسان گه نیچه ییل اوروش‌لر نی ایسلته‌دی.
صنعت‌الله، بیر دیوار یانیده اولتیریب و اوشبو تومن یشاوچیلری نینگ محرومیت‌لریدن قصه قیله‌دی که، اوشبو تومن یشاوچیلری قنچه قیین‌چیلیک بیلن حیات کیچیرگنلر.
او ناامید‌لیک بیلن ایتیشیچه، سرک‌لر نینگ خراب‌لیگی و نیچه ییل اوروش اوشبو تومن قبرستان‌لیکلری نینگ سانی نی کوپه‌یتیرگن، حاضر ایسه اوروش یکونلنگن بیراق سرک‌لر نینگ خراب‌لیگی حاضرگچه اهالی‌دن قربان‌لیک آله‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «قوشتپه ده قیین‌چیلیک جوده‌یم کوپ دیر. سرکی‌میز خراب، هیچ بیر ییر گه باره آلمه‌یمیز. سووی‌میز یوق، کیلینیک‌لر گه باره‌آلمه‌یمیز چونکه اونلردن برچه‌سی خراب، دارو‌میز یوق و بازار‌ده هم دارو قیمت‌لیگی سبب، آلالمه‌میز. اهالی‌دن هیچ بیر نرسه‌سی یوق. قوروق‌چیلیک دیر و هیچ بیر نرسه‌میز یوق.»
کوزلری یاش بیلن تولیب حسرت بیلن ایتیشیچه، قشاق‌لیک نینگ کوپه‌یشی و ایش فرصت‌لری نینگ یوقلیگی بیر یانده، مغاره‌لر ایچیده قیین‌چیلیک بیلن حیات کیچیریش اولر گه جوده‌یم آزار بیره‌دی.
ایکی باله‌سی بیلن سرک‌لرده قدم اوره‌دیگن خدای‌داد آه و حسرت بیلن ایتیشیچه، اوروش‌لر نینگ عاقبتی و حکومت نینگ توجه‌سیزلیگی اهالی گه کوپینچه زجر بیرگن.
اونینگ کوپه‌یتیریشیچه، قتناو یوللر نینگ قیین‌چیلیگی، ساغیلق خذمت‌لر گه قول تاپه‌آلمسلیک، قشاق‌لیک و ایش‌سیز‌لیک نینگ کوپه‌یشی اوشبو تومن یشاوچیلری نی افسرده قیلگن.
توپراق ایچی گه گنج‌لر نی سقله‌یدیگن جوزجان نینگ درزاب و قوشتپه تومن‌لری، سرمایه بیلن توله بولگنی بیرحالده، بی‌نهایت فقیر بولگن تومن‌لردن حساب‌لنه‌دی.
جوزجان محلی مسئوللری نینگ ایتیش‌لریچه، سابق حکومت تومنلر نینگ رواجلنیشی و ثباتی خصوصیده هیچ توجه قیلمه‌گن.
بیزلرنینگ توییترده هم تعقیب قیلینگ!
جوزجان حاکمی داملا شعیب رسالت بویوک مردمی بیر ییغین‌ده ایتگن که، اهالی اوروش‌لر زیانی یانیده، سابق حکومت نینگ توجه‌سیزلیگی نی هم کورگنلر که، حاضرگچه اونینگ یره‌لری تومنلر نینگ هر بیر کوچه و پس‌کوچه‌لریده عایله‌لردن قطاری نینگ ماتم گه قویگن دیر.
جوزجان حاکمی عدالت، بیرلیک و بیردم‌لیک، ایناغه‌لیک و برابرلیک و توازن‌لی رواجلنیش نینگ تامین‌لنگنی خصوصیده ایشانچ بیریب و ایتگن که، اسلامی امارت بیرگن سوزلری نی عمل گه آشیره‌دی.
جوزجان نینگ قوشتپه و درزاب تومنی گه قیلگن سفریم شونده‌ی بیرحالده یکونلندی که، حاضرگچه اهالی قیین‌چیلیک‌لر نی بغیرلریده تاشیدیلر، بولردن برچه‌سی قلم نینگ یاشی بیلن روایت بوله‌دی، بیراق هر بیر انسان نی آزار بیرگن نرسه، اوروش یولیده آرمان‌لری گه ییتیشیش اوچون توپراق آستیگه کیتگن ییگیت‌لر نینگ کوتیب تورگن آنه‌لر دیر.
