تخار ایکینچیلیک، سووغاریش و چاروه‌چیلیک ریاستی، دهقانلر گه آسایشته‌لیک یره‌تیلیشی و مشوره بیریلیشی مقصد، رواجلنتیریش آنلاین خذمتلر مرکزی نی ایجاد قیلگنلر.
تخار ایکینچیلیک، سووغاریش و چاروه‌چیلیک ریاستی مسئوللری نینگ ایتیشلریچه، رواجلنتیریش آنلاین خذمتلر مرکزی نینگ ایجاد بولگنی بیلن دهقانلر، بو مرکز بیلن علاقه قوریب و قیین‌‌چیلیکلری نی حل قیله‌دیلر.
تخار ایکینچیلیک، سووغاریش و چاروه‌چیلیک ریاستی نینگ رواجلنتیریش مدیری عبدالاعلا رادمرد نینگ ایتیشیچه، یقین زمان‌ده دهقانلر آگاهی‌لیگی مقصد اوشبو مرکز نینگ آدرسلرینی اجتماعی ترماق‌لر و یوتیوب‌ده آچیب و دهقانلر گه مخصوص کتاب‌خانه آچه‌دیلر.
بیزلرنینگ «ایکس» ترماغی ده هم تعقیب قیلینگ!
عبدالاعلا رادمرد نینگ کوپه‌یتیریشیچه: «آگاهی‌لیکلری سطحی یوقاری کیتگن، بو خذمتلر نینگ باشقه فایده‌لری هم بار که دایم تکنالوژی پیشرفت قیلماقده و یالغیز انترنت نی تکنالوژینی ایته آلمه‌یمن و ایکینچیلیک بولیمی‌ده هم تکنالوژی پیشرفت قیلماقده. مثلا اوتگنلرده اوچ یا-ده تورت تور اصلاح بولگن اوروغی‌میز بار ایدی و حاضر ایسه ۱۲ و ۱۳ توری بار. اوزگرماقده دیر.»
عین حالده، رواجلنتیریش آنلاین خذمتلر مرکزیدن فایده‌لنگن دهقانلر خورسند‌لیک بیلدیریب و ایتیشلریچه، اوشبو مرکز تیگیشلی اداره‌لر گه باریشلری خصوصیده‌گی کوپینچه صرف-خره‌جتلری آلدینی آلگن و اولر بیر تماس بیلن سوراق‌لری جوابینی قولگه کیلتیره‌دیلر.
تخار ولایتی‌ده‌گی دهقان‌لردن بیری و رواجلنتیریش آنلاین خذمتلر مرکزی بیلن علاقه قورگن محمدشایق نینگ ایتیشیچه: «ایکی مرته ایکیش یا-ده بیرینچی‌ده پمیدار ایکه‌ر ایدیک و مسلکی ایمس‌لیگی‌میز اوچون حاصلاتی‌میز آز بولگنی سبب، بو مرکز گه تماس آلدیم و بو ییل حاصلی‌میز ایکی برابر بولگن.»
شونینگدیک مذکور مرکز بیلن علاقه قورگن دهقان‌لردن باشقه بیری کمال‌الدین نینگ ایتیشیچه: «اوتگنلرده غله‌لر نی کیت‌مه-کیت ایکه‌ر ایدیک و حاضر ایسه بو توغریده هر بیر معلومات نی بیره‌دیلر و یخشی حاصل قولگه کیلتیرگن‌میز.»
شونده‌ی بیرحالده، تخار ده ایکینچیلیک بوییچه ایش بیلرمانلریدن قطاری، رواجلنتیریش آنلاین خذمتلر مرکزی نینگ آچیلیگنی نی دهقانلر اوچون یخشی بیر اقدام بیلیب و ایتیشلریچه، بو فایده‌لی دیر، لیکن دهقانلر قیین‌چیلیگی نینگ اساسی شکلده حل بولیشی اوچون ایکینچیلیک ییرلر خصوصیده نظری و عملی شکلده مسلکی و تخنیکی مصلحتلر بیریلیشی کیره‌ک.
اوشبو ولایت‌ده‌گی ایکینچیلیک ایشلری بوییچه ایش بیلرمانلری نینگ کوپه‌یتیریشلریچه، رواجلنتیریش آنلاین خذمتلر مرکزی دهقانلر قیین‌چیلیگی نی ۷۰ فایز حل قیلگن؛ بیراق دهقانلر آگاهی‌لیگی آشیشی اوچون ییتکرمه‌لر آرقه‌لی کوپراق ایش صورت تاپیشی کیره‌ک.
بیزلرنینگ فیسبوک صحیفه‌میزگه باش اورینگ!
تخار ده ایکینچیلیک ایشلری بوییچه ایش بیلرمانلریدن فریض‌الله فروتن نینگ سلام‌وطندار گه ایتیشیچه، ستندرد باغ‌دارلیک نینگ رواجلنیشی، اصلاح بولگن اوروغ‌لر نینگ ترقه‌تیلیشی و سب سایدی خذمت‌لری ارائه‌سی ایکینچیلیک سکتوری نینگ میکانیزه بولیش تامان آلیب باریشی ممکن.
فروتن نینگ کوپه‌یتیریشیچه: «سیستم‌لریمیز نینگ میکانیزه بولیشی، باغ‌دارلیک نینگ رواجلنیشی و توپلم شکلده اصلاح بولگن اوروغ‌لر نینگ ترقه‌تیلیشی یا-ده تولید بولیشی کیره‌ک. سب سایدی نینگ تعیین بولیشی بار که دهقانلر اوچون سب سایدی نینگ نظر گه آلینیشی کیره‌ک. دهقانلر اختیاری گه کود، اوروغ و باشقه وسیله‌لر نینگ بیریلیشی کیره‌ک.»
ایتیش کیره‌ک که، تخار ایکینچیلیک ریاستی، مملکت بویلب رواجلنتیریش آنلاین خذمتلر مرکزی نی یولگه قویگن بیرینچی اداره دیر.
ایشانچلر گه کوره، مملکت بویلب وقتی‌ده دهقانلر گه نیاز بولگن آگاه‌لیک بیریلگنی و اولر گه نیاز بولگن خذمتلر نینگ اختیارلری گه قرار بیریلگنی‌ده؛ ایکینچیلیک سکتوری کوزگه کورینه‌رلی درجه‌ده یوتوقلر گه ایگه بولیشی ممکن.
