عالی اوقوو وزیرلیگی مسئوللری، اوشبو ییل کانکور ممتازلرینی تقدیرلش مراسمی ده ایتیشلریچه، مملکت تحصیلی نصابینی معیاری توزه‌تیش اوچون سعی‌وحرکت قیلماقده‌لر.
مذکور مراسم ده عالی اوقوو وزیرلیگی سرپرستی ندامحمد ندیم نینگ ایتیشیچه، اوشبو وزیرلیک معارف وزیرلیگی بیلن بیرگه مملکت تحصیلی نصابینی قیته کوریب چیقیش اوچون سعی‌وحرکت قیلماقده‌لر.
بیزلرنینگ فیسبوک صحیفه‌میزگه باش اورینگ!
عالی اوقوو وزیرلیگی سرپرستی نینگ کوپه‌یتیریشیچه: «مملکت تحصیلی نصابی، دینی قاعده‌لر و ملی فرهنگ معیارلری گه ماس اوزگرتیریلیشی اوچون تلاش قیلماقده‌میز.»
عین‌حالده، ۱۴۰۱_ییل کانکور ممتازلریدن بیرقطاری، عالی اوقوو وزیرلیگی دن باشقه مملکت‌لر گه باریب تحصیل‌لری گه دوام بیریش اوچون، تحصیلی بورسیه زمینه‌سی یره‌تیلیشینی ایسته‌یدیلر.
۱۴۰۲_ییل کانکور اول‌نمره‌سی محمود نینگ ایتیشیچه، یاش‌لر مملکت بیلیم یورت‌لریده تحصیل‌لری گه دوام بیریش دن زیریکیشگن. او، عایله‌لردن فرزندلرینی تحصیل اوچون ترغیب قیلیش‌لرینی سوره‌یدی.
محمود نینگ کوپه‌یتیریشیچه: «بیز عالی اوقوو وزیرلیگی دن چیت ایل اولکه‌لری گه تحصیل گه دوام بیریش اوچون بورسیه زمینه‌سی یره‌تیلیشینی ایسته‌یمیز و عایله‌لردن فرزندلرینی تحصیل اوچون ترغیب ایتیش‌لرینی طلب قیله‌میز.»
بیزلرنینگ توییترده هم تعقیب قیلینگ!
کانکور ممتازلریدن بیری سیدطیب اسلام‌یار گه کوره، عالی اوقوو وزیرلیگی دن اولر اوچون بورسیه زمینه‌سی یره‌تیلیشنی ایسته‌یدی.
اونگه کوره: «عالی اوقوو وزیرلیگی دن چیت ایل اولکه‌لری گه باریب تحصیلی‌میز گه دوام بیریش اوچون بورسیه زمینه‌سی یره‌تیلیشینی ایسته‌یمیز، تحصیل گه دوام بیریش اوچون اوزیمیز خارج گه باریش گه مجبورمیز.»
برچه‌سی بیلن، عالی اوقوو وزیرلیگی مسئوللری، ۱۴۰۲_ییل کانکور ممتازلری گه مملکت ده یخشی تحصیل زمینه‌سی یره‌تیلیشی اوچون سعی‌وحرکت قیله‌یاتگن‌لریدن ایشانچ بیره‌دیلر.
