بوگون (۲۰-عقرب، یکشنبه)، کابل ده سلام‌وطندار دفتری‌ده اقتصاد، ایش و اجتماعی ایشلر و معلومات و مدنیت وزیرلیکلری نماینده‌لری حضوری بیلن، ییگیتلر نینگ (ایش، تحصیلی، اجتماعی و حقوقی قیینچیلیکلری) و اولر گه عملی ییچیم یوللرنی ارائه قیلیش خصوصیده سلام‌وطندار رادیوسی نینگ «امید» برنامه‌سی آرقه‌لی «افغانستان ده‌گی ییگیتلر وضعیتی نی کوزدن کیچیریش» اسمی آستیده بیر ییغیلیش اوتکزیلدی.
سلام‌وطندار رادیوسی مسئوللری، بو ییغیلیش‌ده مذکور رادیو نینگ مملکت‌ده‌گی ییگیتلر قیینچیلیکلری اوچون بولگن «امید» برنامه‌سی نینگ تدقیقات نتیجه‌لرینی اشتراکچیلر گه تقدیم قیلگنلر.
بیزلرنینگ فیسبوک صحیفه‌میزگه باش اورینگ!
سلام‌افغانستان رسانه‌یی موسسه‌‌سی اورین‌باسری نورمحمد هاشمی نینگ ایتیشیچه، سلام‌وطندار رادیوسی «امید» برنامه‌سیده، مملکت بویلب تورت مینگ ۴۳۶ ییگیت بیلن صحبت قیلگنی‌دن کیین، ییگیتلر نینگ ایش امکانیتلری برابریده‌گی اینگ اونملی قیینچیلیکلر، توسیقلر و ییچیم یوللرنی کوریب چیققن.
جناب هاشمی نینگ کوپه‌یتیریشیچه: «مملکتده ایش کوچیدن کوپینچه‌سی نی ییگیتلر تشکیل بیرگنی بیرحالده، باشقه هر وقت گه قره‌گنده کوپراق قیینچیلیکلر بیلن روپهرهلر؛ بیراق بو یول‌ده کوپینچه قیینچیلیکلر و توسیق‌لیک بیلن دوچ بولگنلر و بو موضوع توغریسیده سلام‌وطندار ییگیتلر قیینچیلیکلری حلی و اولر گه ییچیم یوللر یره‌تیلیشی اوچون امید برنامه‌سینی ایجاد قیلگن.»
سلام‌افغانستان رسانه‌یی موسسه‌‌سی اورین‌باسری نینگ اورغولشیچه، ییگیتلر نینگ ناقانونی مهاجرتلری و افغانستان کدرلری و تحصیل قیلگن بشری کوچیدن باشقه مملکتلر نینگ قوللنیشی اورنیده، اولر نینگ قیینچیلیکلرینی ایشیتیب و اولر گه ییچیم یوللر نینگ کوریب چیقیلیشی کیره‌ک.
شونده‌ی بیرحالده، بو ییغیلیش‌ده سلام‌وطندار رادیوسی «پروگرام» بولیمی مدیری نینگ ایتیشیچه، بو رادیو ییگیتلر برابریده‌گی اینگ اونملی قیینچیلیکلر توغریسیده «امید» برنامه‌سی اوچون ۲۹ تدقیقاتی گزارش تیارلگنی‌دن کیین، مملکت بویلب ییگیتلر اوچون تحصیلی و ایش فرصتلری چیکلنگنلیگینی انیقله‌گن.
اونینگ کوپه‌یتیریشیچه: «مذکور تدقیقات نتیجه‌لری گه کوره، حاضر ایش شرایطی گه ماس ییگیت‌لردن ۶۰ فایزی ایش‌سیز دیر؛ آنلاین ایش حوزه‌سیده ییگیتلر آنلاین ایش گه یوز کیلتیرگن و بو توغریده هم اینترنت قیمتی کوپلیگی، اینترنت صفتی قوییلیگی و اینترنت‌دن فایده‌لنه آلمسلیک کبی کینگ توسیقلیکلر بیلن روپهرهلر. ییگیتلر هم ایش تاپماقچینلر؛ بیراق دولت نینگ ایش امکانیتلری برچه کیشی اوچون مکمل شکلده جواب قیتره آلمه‌ی و اولر اقتصادی قیینچیلیکلر یانیده اوزلری گه ایشانچ‌سیزلیک بیلن روپهرهلر.»
سلام‌افغانستان رسانه‌یی موسسه‌‌سی مسئوللری بو ییغیلیش نینگ اوتکزیلگنیدن مقصد، ییگیتلر نی تشویق قیلیش و اولر گه تحصیلی و ایش یوللرینی ارائه قیلیش عنوان قیلگنلر.
باشقه بیر تاماندن، بو ییغیلیش‌ده افغانستان خبرچیلر فدراسیون مسئولی بشیر هاتف نینگ ایتیشیچه، ییگیتلر ایش‌سیزلیگی قیینچیلیگی حلی اوچون حکومت تامانیدن توشینیلگن و کینگ ییچیم یوللرگه نیاز بار.
اونینگ کوپه‌یتیریشیچه: «حاضر تحصیل قیلگن ییگیتلریمیز سانی آز بولگن؛ سببی ایسه اولر نینگ تشقی مملکتلر گه کیتیشی دیر، نیگه کیته‌دیلر؟ فکری نقطه‌ی نظری‌دن اونینگ کنترول قیله آلمه‌دیک. نیگه تحصیل قیله‌دیگن پولی بو ییرگه صرف‌لنیب و باشقه مملکتلر گه کیته‌دی؟ بونینگ مدیریت بولیشی کیره‌ک. بو ییرده ایشلب و قاچاق یولی نینگ پولی نی بو ییرده سرمایه یاتقیزیشلری کیره‌ک؛ بو سرمایه یاتقیزمسلیک قیینچیلیگی دیر.»
شونده‌ی بیرحالده، اسلام امیرلیگی مسئوللری نینگ ایشانچ بیریشلریچه، ییتکرمه‌لر و ایچی و تشقی همکار نهادلر همکارلیگی‌ده، ییگیتلر گه کوپراق ایش و تحصیلی فرصتلر یره‌تیلیشی خصوصیده سعی‌وحرکت قیلماقده‌لر.
بیزلرنینگ «ایکس» ترماغی ده هم تعقیب قیلینگ!
اوشبو ییغیلیش‌ده اقتصاد وزیرلیگی مسلکی معینی عبداللطیف نظری نینگ ایتیشیچه: «اقتصادی بولیم‌ده، ییگیتلر یخشی حصه قوشسینلر؛ ییگیتلر علمی و اقتصادی مسئله‌لر و تدبیرکارلیک‌ده ایش قیلیش امکانیتی گه ایگه بولسینلر؛ بیراق بیله‌سیزلر که امکانیتلر آز و ایش کوچی گه نیازمند‌لیک کوپ دیر. ایش فرصتلری کوپه‌یشی اوچون سعی‌وحرکت قیلماقده‌میز و بیله‌میز که ییگیتلر کوپراق مملکت نینگ ایش کوچی نی تشکیل بیره‌دی و جمعیت آگاهی‌لیگی کوپه‌یشی‌ده فایده‌لی حصه قوشیشلری ممکن.»
شونینگدیک معلومات و مدنیت وزیرلیگی سوزلاوچیسی خبیب غفران نینگ ایتیشیچه: «معلومات و مدنیت وزیرلیگی اقتصادی قیینچیلیگی بولگن قریب ۳۰ مینگ کیشی گه، بیر ییلده آز خره‌جت بیلن بیلیم یورتلر و تعلیمی مرکزلرده تحصیلی فرصتلرنی یره‌تگن. ییگیتلر گه ایش فرصتلری یره‌تیلیشی اوچون سعی‌وحرکت قیلماقده‌میز.»
بولر گه علاوه، سلام‌وطندار رادیوسی مسئوللری و سرپرست حکومت نینگ اوشبو نهادلر مسئوللری بو ییغیلیش یکونلنیشی‌ده، ییتکرمه‌لر، دولتی و خصوصی نهادلر هماهنگ‌لیگی‌ده ییگیتلر برابریده‌گی قیینچیلیکلر نینگ انیقلنیشی و بو توغریده کینگ ییچیم یوللر ارائه بولیب و عمل‌گه آشیریلیشی گه تاکید قیلگنلر.
