معلومات و مدنیت وزیرلیگی مسئوللری نینگ ایتیشلریچه، جاری ییل‌ده اینگ یخشی فرهنگی اثر بیلشووی‌ده اشتراکی بولگن ۴۴۸ فرهنگی اثر آره‌سیدن ۹۹ ته‌سی، یخشی فرهنگی اثرلر صفتیده تنلنگن. اولر گه کوره، مذکور اثرلر فرهنگی محتوا و داورلر نینگ فکر_ملاحظه‌سی اساسیده تنلنگن دیر.
مذکور بیلشووده، ادبیات بولیمی‌ده محمد‌داوود عرب‌زی، تیاتر بولیمی‌ده یما حبیبی و خبرچیلیک بولیمی‌ده تلویزیونی برنامه‌لر دایرکتری یما سخی، بیرینچی اورین‌نی قولگه کیلتیرگنلر.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، اوتگن کون (یکشنبه، ۲۴-میزان)، تنلنگن اثرلر نینگ تانیشتیریش اوچون یولگه قوییلگن برنامه‌ده، معلومات و مدنیت وزیرلیگی نینگ فرهنگ و هنر معینی عتیق‌الله عزیز نینگ ایتیشیچه، مذکور برنامه مملکت‌ده هنر نینگ رواجلنیشی و رسام‌لر نینگ تشویق قیلینیشی اوچون یولگه قوییلگن. اونینگ کوپه‌یتیریشیچه: «بو کبی برنامه‌لر نینگ یولگه قوییلیشی، هنری و فرهنگی بولیم‌لریده اسلام امیر‌لیگی نینگ جدی توجه قیلیشی نی کورسته‌دی و معلومات و مدنیت وزیرلیگی مدنیتچیلر و صناعتچیلردن حمایت قیله‌دی.»
باشقه بیر تامان‌دن، معلومات و مدنیت وزیرلیگی سرپرستی خیرالله خیرخواه نینگ ایتیشیچه، حکومتی اداره‌لرده ایش قیلیش گه کوچی ییتگن کیشی‌لر گه، ایش زمینه‌سی یره‌تیلیشی ممکن. اونینگ کوپه‌یتیریشیچه: «یازووچیلر و مدنیتچیلر اثرلری و یازگن نرسه‌لری بیلن جمعیت اینیقسه ییگیت‌لر آره‌سیده تاثیرلی بولیشلری ممکن و حکومتی اداره‌لرده ایش قیلیش گه کوچی ییتگن ییگیت‌لر گه ایش زمینه‌سی یره‌تیلیشی خصوصیده سعی و حرکت بوله‌دی.»
مذکور فرهنگی و هنری بیلشووی گه شرکت قیلگنلردن قطاری نینگ ایتیشلریچه، بو کبی برنامه‌لر نینگ یولگه قوییلیشی، بو توغریده پیشرفت قیلیشلری اوچون فایده‌لی دیر.
بیزلرنینگ فیسبوک صحیفه‌میزگه باش اورینگ!
«خانه‌ی عکاسان افغانستان» نینگ اساس‌چیسی عبدالناصر صاحب‌زاده نینگ کابل شهری کوریلیشی‌دن بولگن اثری، مذکور بیلشووده تنلنگن. اونینگ ایتیشیچه: «معلومات و مدنیت وزیرلیگی نینگ کانکوری‌ده کابل شهری کوریلیشی نی بیلشوو گه قویدیم که بو ییل برنده بولدی. شرکت قیلووچیلر اوزلری آلگنلری اینگ یخشی صورت‌لر نینگ نمایش گه قوییشلری کیره‌ک و بو کبی برنامه‌لر نینگ یولگه قوییلیشی، هنر و مدنیت نینگ رواجلنیشی اوچون فایده‌لی دیر.»
ایتیش کیره‌ک که، اوتگن ایکی ییل‌ده، مدنیتچیلر و هنرمند‌لردن کوپینچه‌سی تورلی سبب اوچون مملکت نی ترک قیلگنلر که، بو بولیم نی نامناسب وضعیت‌ده قرار بیرگن؛ بیراق حاضرگچه مملکت‌ده بولگنلر نینگ ایتیشلریچه، فعالیت‌لری بیلن هنر و مدنیت نینگ سقلش اوچو سعی و حرکت قیله‌دیلر.
