معلومات و مدنیت وزیرلیگی ده مسئوللر، سورگون‌ده‌گی خبرچیلر حقلریدن حمایت قیلووچی نهادلر فدراسیونی نینگ خواطری نی رد قیلیب، اسلام امیر‌لیگی حاکمیتی آستیده میدیالر فعالیتی و خبرچیلر وضعیتی حقیده ایتیشلریچه، حاضر افغانستان ده خبرچیلر ایرکین شکلده فعالیت قیلماقده‌لر.
معلومات و مدنیت وزیرلیگی رئیسی عبدالواحد ریان نینگ ایتیشیچه، حاضرگچه هیچ بیر خبرچی قولگه آلینیب یا-ده تهدید بولمه‌گن. اونینگ کوپه‌یتیریشیچه: «خوفسیزلیک اداره‌لری و نهادلر تامانیدن تهدید یوق؛ مکمل ایرکین‌لیککه ایگه‌لر، بیر خبرچی قولگه آلینگنی پیتده هم، تیزلیککه قوییب یوباریلگن. قولگه آلینیشلردن بیر قطاری ایسه، جنایی یا-ده حقوقی مسئله‌لر دیر، خبرچی نینگ قولگه آلینیشی یا-ده تهدید بولیشی خصوصیده هیچ بیر مورد یوق.»
بیزلرنینگ «ایکس» ترماغی ده هم تعقیب قیلینگ!
سورگون‌ده‌گی خبرچیلر حقلریدن حمایت قیلووچی نهاد فدراسیونی، اوتگن کون (چهارشنبه، ۳-عقرب)، بیر اعلامیه ترقه‌تیش بیلن ایتیشیچه، سرپرست حکومت، «زوره‌وانلیک، سانسور، قولگه آلینیش و معلومات نی ارائه قیلمه‌سلیک بیلن»، میدیالر فعالیتی نی محدود قیلگن. مذکور اعلامیه‌ده کیلیشیچه، عیال خبرچیلر جدی قیینچیلیکلر و جمله‌ده برچه خبرچی معلومات گه قول تاپیش خصوصیده چیکلاو‌لر بیلن روپه‌ره دیر.
شونده‌ی بیرحالده، افغانستان ایرکین میدیالریدن حمایت قیلووچی نهاد (نی) مسئولی ظریف کریمی نینگ ایتیشیچه، اوتگن ایکی ییل‌ده، افغانستان ده معلومات گه قول تاپیش و سوز ایرکین‌لیگی کم‌رنگ بولگن. اونینگ کوپه‌یتیریشیچه: «افغانستان ده معلومات گه قول تاپیش، معلومات حقی و سوز ایرکین‌لیک وضعیتی نینگ کم‌رنگ بولیشی گه شاهد بولگن‌میز. باشقه بیر تامان‌دن، خبرچیلر برابریده هم زوره‌وانلیک بولگن که، ایکی آی آلدین نیچه خبرچی قولگه آلینگن ایدی.»
باشقه بیر تامان‌دن، مملکت‌ده‌گی خبرچیلردن قطاری هم معلومات گه قول تاپیش خصوصیده‌گی چیکلاو‌لردن شکایت قیله‌دیلر.
تصویری میدیالردن بیری نینگ خبرچیسی حمید‌خان نینگ ایتیشیچه: «اوتگن ییل‌لر گه قره‌گنده، افغانستان‌لیک خبرچیلر خودسانسورلیککه روپه‌ره‌لر. خبرچی گه نیاز بولگن و حقی بولگن معلومات گه قول تاپیشی، معلومات گه قول تاپیش قاعده-قانونی اساسیده ایمس.»
بیزلرنینگ فیسبوک صحیفه‌میزگه باش اورینگ!
شونینگدیک تصویری میدیالردن باشقه بیریده‌گی خبرچیلردن شریفه نینگ ایتیشیچه، چیکلاو‌لر سبب، هر مرته گزارش تیارلش پیتده، قیینچیلیکلر بیلن روپه‌ره بوله‌دی. اونینگ کوپه‌یتیریشیچه: «نیازیمیز بولگن بیر منبع بیلن گپلشماق ایسته‌یمیز؛ بیراق هماهنگ‌لیک قیلمه‌یدیلر و جواب بیریش گه حاضر بولمه‌یدیلر، منبع‌لردن کوپینچه‌سی میدیالر بیلن گپ‌لشمه‌یمیز دییدیدلر و گزارش نی بیر طرفه نشر قیلیش گه مجبور بوله‌میز؛ بیر گزارش تیارلش خصوصیده کوپینچه قیینچیلیکلر بیلن روپه‌ره بوله‌میز.»
عین حالده، اوتگن ایکی ییل ده، میدیالردن کوپینچه‌سی چیکلاو‌لر و اقتصادی قیینچیلیکلر سبب، مملکت ایچیده فعالیت‌لری نی توخته‌تیب یا-ده تشقی گه انتقال بیرگنلر و باشقه بیر تامان‌دن، خبرچیلردن کوپینچه‌سی مملکت نی ترک قیلیب یا-ده ایش‌سیز بولگن.
