فاریاب ولایتی کینگش اعضالریدن قطاری نینگ ایتیش‌لریچه، آقینه بندری ایکی هفته‌دن بویان تعطیل دیر و شونینگدیک سوداگرلیک توارلر ترکمنستان دن مملکت گه کیرمه‌یدی. فاریاب ولایتی کینگش اعضاسی انیسه تینچ نینگ سلام‌وطندارگه ایتیشیچه، طالبان جنگریلری آقینه بندری نینگ ۱۲ کیلومترلیگی گه قدر، اوزلرینی ییتیشتیرگن.
خانم تینچ گه کوره، شو یوزه‌دن بو بندرنینگ ایشلاوچی‌لری طالبان دن قورقیب و وظیفه‌لریگه باره آلمه‌یدی.
فاریاب نینگ برچه تومن‌لریده طالبان حاکمیتی کینگه‌یگنی باعث، مذکور گروه اوشبو تومن یشاوچی‌لری اینیقسه عیاللریگه ینگی چیکلاولر یره‌تگن. فاریاب ولایتی کینگش اعضاسی آق‌محمد نوری نینگ سلام‌وطندارگه ایتیشیچه، طالبان نینگ ینگی بویروغی اساسیده، شرعی محرمی بولمه‌گن عیاللر اویدن چیقه آلمه‌یدی.
فاریاب ولایتی کینگش اعضالری و اندخوی، قرغان، قرمقول و خانچارباغ تومن یشاوچی‌لری نینگ ایتیش‌لریچه، ۱۰ کوندن بویان بو تومن‌لرده مخابراتی ترماقلر فعالیتی کیچه‌وکوندوز کیسیلگن و اهالی کوپینچه قیینچلیکلر بیلن روپه‌رو بولگن. اولرگه کوره، مخابراتی ترماقلر جهازلرینی عرضه قیله‌دیگن کسبه‌کارلر، بوتونلی ایش‌سیز بولگن.
بوگون “دوشنبه” نماینده‌لر کینگشی اعضالریدن بیرقطاری نینگ اوشبو کینگش عمومی ییغینیده ایتیش‌لریچه، جمهور رئیس غنی اوروش خصوصیده هیچ‌نرسه بیلمه‌یدی و انه‌شوو سبب، کون اوتیش بیلن امنیتی وضعیت یمان بولماقده.
نماینده‌لر کینگشی عضوی ضیا آریانژاد نینگ ایتیشیچه، جمهور رئیس مسلکی بیر کیشی ایمس و ارورش‌دن هیچ‌نرسه بیلمه‌یدی.
فاریاب ولایتی نینگ قیصار تومنی اوتگن کون طالبان نظارتی گه اوتدی، بیراق حربی‌لردن کمیده ۳۰ ته‌سی اوزلرینی طالبان قمرویدن نجات بیریب و امنیتی کوچلرنینگ نظارتی گه بولگن «کوهی» قیشلاغیده‌‌گی حربی‌لرگه ییتیشتیردی، بیراق کوپ وقت اوتمه‌دی که کوهی قیشلاغی هم طالبان قولیگه سقوط قیلدی.
فاریاب ولایتی کینگش عضوی نادر سعیدی نینگ سلام‌وطندارگه ایتیشیچه، قیصار پولیس قومندانلیگی و بلدیه بناسی طالبان نظارتی‌گه اوتگن و آتیشمه نتیجه‌سیده اوشبو تومن پولیس قومندانی سیف‌الرحمان دهزاد شامل ۱۴ حربی هلاک و باشقه ۳۷ حربی طالبان قولیگه اسیر بولگن.
فاریاب یشاوچی‌لری اینقسه ملی اسلامی جنبش حزبی نینگ طرفدارلری اوشبو ولایت ینگی حاکمی محمدداوود لغمانی‌گه قرشی ۸ کوندن بویان اعتراض قیلیب کیلماقدهلر.
اعتراضچی‌لرنینگ ایتیش‌لریچه، حاضرگه‌قدر ایستکلریگه دقت بولمه‌گن و ایستکلریگه دقت بولمه‌گن صورتده، اعتراض‌لریگه دوام بیره‌دیلر.
فاریاب ولایتیده مارشال عبدالرشید دوستم رهبرلیگی‌گه بولگن افغانستان ملی اسلامی جنبش حزبی طرفدارلری ناراضلیک‌لری ۶ کوندن بویان دوام قیلماقده. اعتراضچی‌لر غیرمتمرکز نظام ایسته‌گنلر.
اعتراضچی‌لرنینگ ایتیش‌لریچه، غیرمتمرکز نظام حقوق‌لرینی تامین قیله آله‌دی و حاکم‌لر اهالی تامانیدن تعیین‌لنگن صورتده، امنیتی وضعیت یخشی‌لنیشی ممکن.
بوگون “چهارشنبه” نماینده‌لر کینگشی اعضالری نینگ اوشبو کینگش عمومی ییغینیده ایتیش‌لریچه، اعتراض‌لرنینگ دوام قیلیشی فاریاب وضعیتی نینگ یمان بولیشی‌گه سبب بولگن و اوشبو ولایت یشاوچی‌لری اوروش جهازلری بیلن تجهیزلنگن‌لر.
اعتراضچی‌لرنینگ آگاه‌لنتیریش‌لریچه، اوشبو ولایت هوا قونالغه‌سیده هیچ‌بیر اوچاغ‌گه قانیش و اوچیش اوچون رخصت بیرمه‌یدیلر. اولرنینگ ایتیش‌لریچه، اهالی نماینده‌لری بلخ ولایتیدن فاریاب ولایتی‌گه کیلیب اعتراضچی‌لرگه قوشیلیش‌نی ایسته‌گن، لیکن حکومت رخصت بیرمه‌گن.
ملی اسلامی جنبش حزبی رهبری و جمهورلیک ریاستی نینگ سابق اورین باسری مارشال عبدالرشید دوستم فاریاب اعتراضچی‌لری بیلن تلفون آرقه‌لی صحبت اوتکزیب و اوشبو ولایت ینگی حاکمی محمدداوود لغمانی نینگ پیشانه‌سیگه اوق بیلن اوروش اوچون بویروغ بیرگن.
مارشال دوستم، طرفدارلریدن اختیارلریده بولگن اوروش تجهیزاتلرینی اوزلری بیلن چیقاریب و هرقنده‌ی وضعیتده تیار بولیش‌لرینی سوره‌گن.
شونینگدیک، ملی اسلامی جنبش حزبی رهبری مارشال عبدالرشید دوستم طرفدارلری بیلن تلفون آرقه‌لی صحبت اوتکزیب اعتراض‌لریگه دوام بیریش‌لری اوچون بویروغ بیرگن «سنگرلرینگیزنی قوییب یوبارمنگ! لغمانی بو ولایتده توخته آلمه‌یدی، قاچیب کیته‌دی.»
فاریاب‌ده ملی اسلامی جنبش حزبی ییریک اعضالریدن بیری عبدالجلیل آور نینگ ایتیشیچه، اوشبو ولایتده ینگی حاکم تانیتیلیشی‌گه توسیق بوله‌دیلر و اولر ولایت‌لرنینگ حاکم‌لری اهالی تامانیدن تعیین‌لنیشی خصوصیده مارشال دوستم نینگ فکریدن حمایت بیلدیره‌دیلر.
بوگون “دوشنبه” فاریاب تومن‌لریدن اوشبو ولایت مرکزی میمنه شهریده آواره بولگن‌لردن قطاری ناراضلیک نمایش یولگه قوییب حکومت و طالبان گروهی‌دن آتیش‌کیسین اعلان قیلیش‌لرینی ایسته‌گنلر.
بوگون “دوشنبه” جوزجان ، فاریاب و بلخ ولایت‌لری یشاوچی‌لریدن مینگ‌لرچه‌سی مذکور ولایت‌لرده ناراضلیک نمایش یولگه قوییب، ایکی تامانلمه حرکت‌لر اهالی و حکومت آره‌سیده فاصله ایجاد قیله‌دی دیگنلر.
اعتراضچی‌لرنینگ ایتیش‌لریچه، حکومت شمالی ولایت‌لر یشاوچی‌لری نینگ ایستکلریگه ایجابی جواب قیترمه‌گن صورتده، اعتراض‌لرینی مملکت باشکنتی‌گچه ییتیشتیره‌دیلر.
فاریاب یشاوچی‌لری اینیقسه ملی اسلامی جنبش حزب طرفدارلریدن کوپینچه‌سی، بو ولایت اوچون ینگی حاکم تعیین ایتیلگنی گه قرشی اعتراض بیلدیریشگن.
مذکور اعتراض نی رهبرلیک قیله‌دیگن فاریاب ده ملی اسلامی جنبش حزب باشلیغی عطامحمد فیضی نینگ ایتیشیچه، مرکزی حکومت فاریاب یشاوچی‌لری برابریده تبعیضلی حرکت قیله‌دی.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
