افغانستان سابق جمهوررئیسی محمداشرف غنی نینگ ایتیشیچه، مملکت یشاوچیلری نامعلوم بیر حالت گه قرار تاپگن‌لر و اوتمیش خطا‌لری نی تکرار قیلیش بیلن افغانستانده اوروش نی قیته باشله‌یش‌لری ممکن.
او، ینگی ییل نینگ ییتیب کیلیشی مناسبتی گه سیسلی بیر پیام آرقه‌لی ایتگن که «قدرت‌نی آلیش آسان دیر بیراق اونینگ مستحکم اسره‌ش قیین دیر.» غنی نینگ بیان قیلیشیچه، خلق‌ارا و منطقه‌وی مشروعیت ملی مشروعیت بولمس‌دن امکانی یوق و اوشبو مشروعیت اهالی تامانیدن قولگه کیله‌دی.
سابق جمهوررئیس نینگ کوپه‌یتیریشیچه، افغانستان یشاوچیلری قیین بیر شرایط‌ده ینگی ییل گه شاهدلر. او، افغانستان نینگ حاضرگی وضعیتی‌دن چیقیش اوچون، حل یوللر نینگ پیشنهاد بیرگن.
بیزلرنینگ فیسبوک صحیفه‌میزگه باش اورینگ!
غنی نینگ کوپه‌یتیریشیچه، افغانستانده برادرلیک حل یول، ملی وحدت و واقعی اویغون لیک دیر. اونگه کوره، «ملی وحدت و افغانستان بوتون افغان‌لر نینگ قوشمه اویی ایکن‌لیگی قبول قیلینگن صورتده، حقیقی تینچلیک برقرار ایتیلیشی ممکن.»
اونینگ اورغولشیچه، بیر اجتماع و ملی گفتمان ایجاد بولیب و انسانی وضعیت ایسه اوشبو گفتمان نینگ اولویت آجنداسی‌ده بولیشی کیره‌ک. شونینگدیک غنی خلق‌ارا یاردملر نینگ درست قوللش و اونینگ درست شکلده مدیریت بولینیشی گه تاکید قیلیب ایتیشیچه، افغانستان «انسان‌دوستلیک یاردملر نینگ مستعمره‌سی» بولمه‌یشی کیره‌ک.
بیزلرنینگ توییترده هم تعقیب قیلینگ!
شونینگدیک غنی افغانستان نینگ ترقیاتی و تینچلیگی منطقه و خلق‌ارا همکارلیککلر گه تیگیشلی دیب و اورغولشیچه، افغانستان طرف‌سیز بولیب و تورلی قدرت‌لر نینگ اوروش میدانی گه اوزگرمه‌یشی کیره‌ک.
افغانستان وضعیتی حقیده اشرف غنی نینگ ینگی پیامی، نیچه پیت آلدین اونینگ مملکت گه قیتیشی خصوصیده گزارشلر ترقه‌تیلگن بیرحالده ارایه بولگن. بیراق اوندن کیین اوشبو گزارشلر غنی نینگ امنیتی مصلحتچیسی حمد‌الله محب تامانیدن رد بولگن ایدی.
