فیض‌آباد تومن پولیس قومندانی محمد نادر نینگ ایتیشیچه، پاکستانلیک حربیلر طالبان همکارلیگی بیلن مذکور تومن نینگ گرجک قیشلاغیده باله‌لرگه خودکش هجوم نی تعلیمات بیره‌دی. جناب نادر گه کوره، طالبان برنامه‌لرینی عمل گه آشیریش اوچون ۸ الی ۱۰ یاشر باله‌لرنی تنله‌ب و تعلیمات بیریش اوچون اوزلری بیلن آلیب کیته‌دی.
بوگون “یکشنبه” ملی مصالحه کینگشی باشلیغی عبدالله عبدالله نینگ توییتر صحیفه‌سیده یازیشیچه، مذاکره قیلووچی هیات اعضالری بیلن کابلده اوچره‌شیب جاری وضعیت و تینچلیک جریانی خصوصیده صحبت اوتکزگن.
ایچکی ایش‌لر وزیرلیگی مسوول‌لری نینگ ایتیش‌لریچه، اوتگن بیر آی جریانیده طالبان تامانیدن اویوشتیریلگن هجوم‌لر نتیجه‌سیده ۲۴۸ تینچ اهالی هلاک و باشقه ۵۲۷ تینچ اهالی یره‌لنگن دیر.
بیراق، طالبان گروهی نینگ بو ادعانی رد قیلیب ایتیشیچه، تینچ اهالی تلفاتی نینگ اصلی عاملی امنیتی کوچلر دیر.
غور یشاوچی‌لری، غور-کابل و غور-هرات قتناو یولی نینگ قربانی‌لرینی حق‌لریدن مدافعه قیلیش اوچون، بو قتناویول نی باغله‌گنلر. اولر ۴ ماده‌لیک بیر قطع‌نامه صادر قیلیش بیلن آگاه‌لنتیریش‌لریچه، بو قتناویول خوفسیزلیگی تأمین‌لنیب و اهالی ایسته‌کلریگه ایریشگونگه قدر، قتناویول نی کیلیب-کیتیش یوزیگه آچمه‌یدیلر.
لغمان ولایتی نینگ بیرقطار تومن‌لریده طالبان جنگری‌لریگه قرشی حربی عملیات دوام قیلماقده و دولت رسمی‌لری نینگ ایتیش‌لریچه، طالبان نینگ هجومی کیین‌گه اوریلگن.
لغمان حاکمی اورین باسری رحمت‌الله یارمل نینگ ایتیشیچه، مذکور عملیات‌لرده طالبان کوپ قطار جنگریلری هلاک و یره‌لگن، لیکن طالبان سوزلاوچیسی ذبیح‌الله مجاهد نینگ ایتیشیچه، لغمان ده تصرف ایتیلگن منطقه‌لر حاضرده هم نظارت‌لریگه دیر.
اوتگن کیچه مرکزی بغلان تومنی نینگ عمرخیل قیشلاغیده، ۷ حربی و ۳ تینچ‌اهالی قماقخانه نینگ دیواری نی تخریب قیلگندن کیین، قاچیب و اوزلرینی حربی بیر قرارگاه گه ییتیشتیرگن. قاچیش گه موفق بولگن عسکرلردن بیری محمدالله نینگ ایتیشیچه، ۴۵ کون آلدین پلخمری شهری نینگ عمومی قتناویولیدن اوغیرلنگن ایکن.
اوتگن کون رسانه‌لردن قطاری، قطرده طالبان سیاسی دفتری دن بیر هیأت استانبول ده یولگه قوییله‌دیگن تینچلیک ییغینی توغریسیده بو گروه رهبرلری بیلن مصلحت قیلیش اوچون کویته گه سفر قیلگنیدن گزارش ترقتدی.
قطر ده طالبان سیاسی دفتری سوزلاوچیسی محمدنعیم، بونده‌ی بیر هیأت نینگ سفری نی رد قیلگن.
لوگر ولایتیدن امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، بوگون “چهارشنبه” ایرته‌لب ساعت ۴ ده اوشبو ولایت نینگ بره‌کی برک تومنی‌نی «لب جر» منطقه‌سیده جایلشگن امنیتی بیر پوسته طالبان قولیگه سقوط قیلیب و مذکور پوسته‌ده بولگن دولتی کوچلر بوتون حربی تجهیزات‌لری بیلن طالبان گروهی‌گه قوشیلگن.
ملی مصالحه عالی کینگش باشلیغی عبدالله عبدالله نینگ ایتیشیچه، طالبان زور بیلن افغانستان نی نظارت گه آلالمه‌یدی. او، واشنگن‌پست کونده‌لیگی بیلن صحبت اوتکزیب اورغولشیچه، طالبان حربی ییچیم یول نی ایسته‌گن صورتده، افغانستان تاریخی بو اوروش نی دوام تاپیشی نی کورستگن.
میدان وردک پولیس قومندانلیگی‌دن بیر منبع سلام‌وطندار بیلن صحبت اوتکزیب ایتیشیچه، مذکور ولایت نینگ جلریز تومنی طالبان نظارتی گه اوتگن.
مذکور منبع آتی فاش ایتیلیشی نی ایستمه‌ی ایتیشیچه، جلریز تومنی بوگون (جمعه ۳۱- ثور) ایرته‌لب امنیتی کوچلر و طالبان گروهی آره‌سیده بیر آتیشمه یوزبیرگنیدن کیین، مذکور گروه قولیگه سقوط قیلگن.
انسان حقلری ایرکین کمیسیونی نینگ ایتیشیچه، اوتگن ایکی کون جریانیده غور و هلمند ولایت‌لریده ۱۰ باله، ۳ عیال و ۳ ایرکک شامل، ۱۶ تینچ‌اهالی هلاک ایتیلگن. مذکور کمیسیون بیر خبرنامه ترقه‌تیش بیلن تینچ‌اهالی اولدیریلیشی توخته‌تیلیشی نی سوره‌گن.
زابل ولایتی کینگش باشلیغی عطاجان حق بیان نینگ ایتیشیچه، طالبان اوتگن کیچه شهر صفا تومنیده‌گی پولیس پوسته‌لریدن قطاری نی اوستیگه هجوم قیلیب و امنیتی کوچلر بیلن آتیشگن.
جناب حق بیان نینگ سلام‌وطندارگه ایتیشیچه، مذکور آتیشمه ده بیر پوسته نینگ قومندانی شامل ۵ پولیس جان بیرگن.
زابل محلی مسوول‌لری نینگ ایتیش‌لریچه، اوشبو ولایتده امنیتی بیر پوسته طالبان قولیگه سقوط قیلیب و عملیاتی کندک ارکان رئیسی شامل ایکی حربی هلاک ایتیلگن.
لغمان ولایتیدن اعتبارلی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، بوگون “پنجشنبه” ایرته‌دن چاغیده اوشبو ولایت نینگ دولتشاه تومنی طالبان قولیگه سقوط قیلگن. منبع نینگ ایتیشیچه، بو تومن نیچه مدت‌دن بویان طالبان قمراویگه قرار تاپگن ایدی و اوشبو مدتده هیچ‌قنده‌ی کمکی کوچ یوباریلمه‌گن.
جوزجان یشاوچی‌لریدن قطاری نینگ ایتیش‌لریچه، یول قوریش، بنا قوریش و شهروندلیک شرطنامه شرکت‌لری طالبان گه باج بیره‌دی. جوزجان یشاوچی‌لریگه کوره، طالبان اوزاق ییرلرده و بو ولایت تومن‌لریده عمل گه آشیریله‌دیگن هر بیر پروژه و برنامه نینگ ۱۰ فایز بودجه‌سینی آله‌دی.
جمهوررئیس محمداشرف غنی نینگ ایتیشیچه، چیت‌ایللیک کوچلر افغانستان دن چیققنیدن کیین، حکومت طالبان نینگ زوروانلیگی گه قرشی کوره‌ش گه تیار دیر. مملکت جمهوررئیسی محمد اشرف غنی، آمریکالیک تلویزیون «پی‌بی‌اس» بیلن اوتکزگن خاص سوزلشووده بونده‌ی دیگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
