افغانستان دهگی خبرچیلردن قطاری نینگ ایتیشلریچه، چیکلاولر یره‌تیلگنی، ایش مصونیتی بولمه‌گنی، معلومات گه قول تاپه آلمسلیک و درآمدلری کم‌لیگی سبب، خبرچیلیک نی ترک قیلیب و باشقه فعالیتلر گه یوز کیلتیرگنلر.
هرات دهگی خبرچیلردن رقیه حسینی نینگ ایتیشیچه، خبرچیلیک بولیمی‌ده درآمدی کم‌لیگی سبب، خصوصی نهادلردن بیریده ایش گه باشله‌گن. اونینگ کوپه‌یتیریشیچه: «خبرچیلیک ایشی کوپ قیین و مذکور ایش‌ده روحی قیینچیلیکلر کوپ ایدی؛ خبرچیلیک آیلیگی کم ایدی و حیات خره‌جتلرینی تامین قیله آلمه‌یدیم؛ انه شوو سبب بو ایش نی ترک قیلدیم.»
بیزلرنینگ «ایکس» ترماغی ده هم تعقیب قیلینگ!
خبرچیلیک بولیمی‌ده ماسترلیگی بولگن و بو بولیم‌ده ییتی ییل ایشله‌گن نقیب‌الله نینگ ایتیشیچه، ایش مصونیتی بولمه‌گنی سبب، خبرچیلیک فعالیتی نی ترک قیلدم. «ایش امنیتی و مالی امکانیت بولمه‌گنی سبب، باشقه ایش گه یوز کیلتیردیم؛ کوپ قیزیقیب باشقه مملکتلر گه باریب ماسترلیگیم نی آلگنیم بیلن؛ بیراق ییتکرمه‌لرده‌گی قیینچیلیکلر سبب ایشیم نی اوزگرتیردیم.»
اوچ ییل‌لیک خبرچیلیک تجربه‌سی گه ایگه بولگن بدخشان دهگی خبرچیلردن تمنا نینگ ایتیشیچه، ییتکرمهلر ایشی توغریسیده چیکلاولر یره‌تیلگنی‌دن کیین، تجارت گه یوز کیلتیرگن. تمنا گه کوره: «خبرچیلر اینیقسه عیال خبرچیلر اوچون ساحه چیکلنیشی، کیچیک‌لیگیم‌دن بیری ایسته‌گنیم ایشیم نینگ ترک قیلیش گه سبب بولدی.»
خبرچیلردن باشقه بیر قطاری، وقتیده معلومات گه قول تاپه آلمسلیک نی خبرچیلیک ایشی نینگ ترک قیلیش سببلریدن بیله‌دیلر.
۲۰ ییل چاپی ییتکرمه‌لرده ایشله‌گن فاریاب دهگی خبرچیلردن احمدجاوید گه کوره: «معلومات گه قول تاپه آلمسلیک؛ ناتینچ‌لیکلر و باشقه بیر قطار قیینچیلیکلر سبب، خبرچیلیک ایشی ترک قیلدیم.»
نیچه ییل تلویزیون‌لردن بیریده ایشله‌گن کابل دهگی خبرچیلردن حلیمه نینگ ایتیشیچه، آیلیگی توللنمه‌گنی سبب خبرچیلیک فعالیتی نی ترک قیلگن. «افغانستان ده خبرچیلر قیینچیلیگی کوپ دیر. معلومات گه قول تاپه آلمسلیک‌دن، آیلیک و خبرچیلیک ایشی اوچون مناسب جای یوقلیگی‌گه قدر.»
عین حالده، معلومات و مدنیت وزیرلیگی سوزلاوچیسی خبیب غفران نینگ ایتیشیچه، خبرچیلر فعالیتی گه شرایط یره‌تیلیب و بو وزیرلیک خبرچیلر نی قوللب-قوتلش گه متعهد دیر. اونینگ کوپه‌یتیریشیچه: «اوتگن اوچ ییل‌ده ۵۶ چاپی، رادیو و تلویزیون ییتکرمه‌لری جواز آلگن یا-ده ایش جوازلری تمدید بولگن که بو خبرچیلر نینگ قیزیقیشی نی کورسته‌دی؛ معلومات و مدنیت وزیرلیگی ییتکرمهلر و خبرچیلردن مالی حمایت قیلیش صندیغی نی ایجاد قیلیش گه سعی‌وحرکت قیله‌دی؛ ییتکرمهلر ایرکین‌لیکلرینی اسلام ارزشلری گه کوره بیان قیلیشلری کیره‌ک.»
اوتگن اوچ ییل‌ده، ییتکرمه‌لردن قطاری نینگ فعالیتی اقتصادی قیینچیلیکلر سبب توخته‌گن و خبرچیلردن کوپینچه‌سی اینیقسه عیال خبرچیلر ایشلرینی قولدن بیرگنلر.
بیزلرنینگ فیسبوک صحیفه‌میزگه باش اورینگ!
خبرچیلر کینگشی باشلیغی حفیظ‌الله بارکزی نینگ ایتیشیچه: «اوتگن اوچ ییل‌ده خبرچیلر نی تشویق قیلیش اوچون کوپ سعی‌وحرکت قیلگن‌میز؛ حمایت قیلگنلر بوگون افغانستان ده و بیزلر ییتکرمه‌لریمیز نینگ قیته فعال بولیشی اوچون نیچه ییغیلیشیمیز بار ایدی.»
معلومات و مدنیت وزیرلیگی آرقه‌لی ارائه بولگن معلومات اساسیده، حاضر ایسه افغانستان ده ۳۷۰ تلویزیون، رادیو، چاپی و آنلاین ییتکرمهلر نینگ فعالیتی بولیب و مذکور ییتکرمه‌لرده یوزلب خبرچی ایش بیلن شغللنگن.
