یقین شرق‌ده توقنشوولر اوج آلگچ، عرب اتفاقی و اسلامی مملکتلر باشلیغ‌لری، ۲۱-عقرب، دوشنبه کونی سعودی عربستان پایتختی ریاض شهریده‌گی ییغیلیشده، غزه و لبنان‌ده‌گی توقنشوولر گه چېک قوییلیشی اوستیگه تأکید اېتگنلر.
اوشبو ییغیلیش یکونیده ترقه‌لگن بیانیه‌ده، اسرائیل‌نینگ غزه‌ده‌گی حضوری باسیم اته‌لیب و غزه‌ده‌گی احوال گه چېک قوییلیشی گه تأکید اېتیلگن.
غزه‌ده حماس و اسرائیل اۉرته‌سیده توقنشوولر باشلنگنیدن بیری، فلسطین‌لیک ۱۴۶ مینگ کیشی قربان بولیب و یره‌لنگن و اسرائیل‌نینگ غزه‌ده سۉنگی ۲۴ ساعت ایچیده‌گی هجوملری عاقبتیده فلسطین‌لیک چمه‌سی ۳۷ کیشی قربان بولیب و باشقه اونلب کیشی یره‌لنگن.
بیزلرنینگ فیسبوک صحیفه‌میزگه باش اورینگ!
ایش بیلرمانلر، یقین شرق‌ده‌گی بحران‌لر گه دایر اسلامی مملکتلر باشلیغ‌لری‌نینگ حاضرگی یانده‌شوولریدن تنقید قیلیب، بو رهبرلرنینگ اوروش یکونی اوچون قاطع اراده‌لری یوق و یقین شرق احوالینی اۉزگرتیره آلمسلیگیگه ایشانه‌دیلر.
خلق‌ارا مناسبت‌لر بیلرمان‌لری ولی فروزان‌نینگ ایتیشیچه: «اسلامی مملکتلر باشلیغ‌لری‌نینگ فکر-ملاحظه‌لری اهالی و یېتکرمه‌لر اوچون دیر، پالیسی‌لری گه قره‌سنگیز غرب و امریکا بیلن هماهنگ دیر.»
شونینگدیک، خلق‌ارا مناسبت‌لر بیلرمان‌لریدن باشقه بیری اجمل زرمتی گه کوره: «افسوس بیلن بیر ییل یا که اوندن کوپراق‌ده ۵۰ مینگ‌دن آرتیق انسان هلاک بولگن و شونینگدیک یره‌دار بولگنلر، حاضر اسلامی مملکتلرنینگ باشلیغ‌لری توپله‌نیب و اوروش دوام تاپماقده‌لیگینی قاره‌له‌یدیلر.»
بیزلرنینگ «ایکس» ترماغی ده هم تعقیب قیلینگ!
اوشبو ایش بیلرمان‌لرنینگ ایشانچی گه کوره، یقین شرق‌ده‌گی توقنشوولر گه چېک قوییش اوچون اسلامی مملکتلر رهبرلری‌نینگ جدی اراده‌سی یوق‌لیگی و بو مملکتلرنینگ منفعت‌لری ضدلیگی همده سیاسی و ناسیاسی باشقه عامللر باعث، بو مملکتلر غزه اوروشی گه چېک قویه آلمه‌ی و منطقه‌ده اسرائیل‌نینگ هجوملری گه توسیق بوله آلمه‌یدیلر.
اولر گه کوره، غزه‌ده‌گی توقنشوولر و یقین شرق‌نینگ باشقه حدودلریده‌گی کېسکین‌لیکلر گه چېک قوییش یگانه یول، اسرائیل گه دیپلماتیک و اقتصادی باسیم کېلتیریش دیر.
خلق‌ارا مناسبت‌لر ایش بیلرمانی اجمل زرمتی‌نینگ ایشانچی گه کوره: «امریکا اقدام قیلمه‌ی و اسرائیل‌نینگ یگانه حامیسی امریکا دیر باسیم کېلتیرمه‌گونچه اوروش گه چېک قوییلمه‌یدی و اسلامی مملکتلرنینگ باشلیغ‌لری احوالنی باشقریش حد ده اېمسلر.»
غزه‌ده آتیش کېسین برقرار اېتیلیشی اوچون برچه سعی-حرکتلر و بو اوروش‌لر خلق‌ارا قرشی‌لیکلر بیلن روپه‌ره بولیشیگه قره‌مسدن، غزه‌ده حماس بیلن اسرائیل‌نینگ توقنشوولری گه نه‌فقط چېک قوییلمه‌گن بلکه بو اوروش لبنان گه هم کېنگه‌یگن.
