اسلامی امارت تشقی ایشلر وزیرلیگی، بیرلشگن ملتلر تشکیلاتی خوف‌سیزلیک کینگش اعضالری نینگ افغانستانده عیاللر حقوقی ایاق آستی ایتیلیشی خصوصیده ترقتگن قوشمه اعلامیه‌سی خصوصیده عکس‌العمل بیلدیریب ایتیشیچه، عیاللر حقوقی ایاق آستی ایتیلیشی خصوصیده اولرنینگ خواطرلری «واقعیت‌دن اوزاق» دیر.
مذکور وزیرلیک بوگون بیر اعلامیه ترقه‌تیب ایتیشیچه، اسلامی امارت افغانستانده عیاللر، باله‌لر و آزچیلیک قوملر حقوقینی افغانستان ملی فرهنگی و اسلامی ارزش‌لری چارچوبه‌سی اساسیده تأمین قیلیش‌گه متعهد دیر.
بیزلرنینگ فیسبوک صحیفه‌میزگه باش اورینگ!
اعلامیه‌ده کیلیشیچه، افغانستان یشاوچیلری مسلمان دیر و اسلامی امارت اسلامی تامانیدن حجاب رعایت ایتیلیشی خصوصیده بیریلگن بویروغ افغانی جماعه نینگ فرهنگی و افغانستان عیاللری نینگ موافقتی اساسیده دیر.
شونینگدیک اعلامیه‌ده تأکید قیلینیشیچه، افغانستانده هیچ نرسه، اوشبو مملکت فرهنگی اسلامی و مذهبی عقیده‌لریگه قرشی تحمیل ایتیلمه‌گن.
اسلامی امارت تشقی ایشلر وزیرلیگی، دنیا جماعه‌سیدن، افغانستان عینی واقعیت‌لرینی توغری درک قیلیب، افغانستان یشاوچیلری نینگ دینی و فرهنگی ارزش‌لریگه حرمت قیلیب و بیرقطار «مغرض و مخرب رسانه‌لر نینگ اسلامی امارت گه قرشی تبلیغ‌لری» اساسیده قضاوت قیلمس‌لیکلرینی سوره‌گن.
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکلاتی خوف‌سیزلیک کینگشی اعضالری «سه‌شنبه کونی ۳- جوزا» قوشمه بیر اعلامیه ترقه‌تیب اسلامی امارت دن بشر حقوقی و خاتین- قیزلرگه قرشی تبعیضلی سیاست‌لریدن واز کیچیب و عیاللر نینگ اساسی حقوقلریگه حرمت قیلیش‌لرینی طلب قیلگن ایدیلر.
مذکور تشکیلات اعضالری اسلامی امارت تامانیدن عیاللر نینگ یاپینش‌لری خصوصیده صادر قیلینگن بویروغ‌نی خواطرلی عنوان قیلیب، ایتیشلریچه، اسلامی امارت نینگ بو قراری دنیا جماعه‌سی و افغانستان یشاوچیلریگه بیر وعده‌لریگه قرشی دیر، اولر شونینگدیک اسلامی امارت‌دن مکتب‌لر ایشیگی برچه قیزلر یوزیگه آچیلیشینی سوره‌گن ایدیلر.
